कळंगुट: मध्य प्रदेशातील खांडवा येथील ३५ वर्षीय महिला भावना चौहान या महिलेचा मृतदेह कळंगुट येथील एका हॉटेलमध्ये आढळून आला आहे. पोलिसांनी या प्रकरणी हत्येचा संशय व्यक्त करत तपास सुरू केला आहे. प्राथमिक तपासानुसार, हॉटेलमधील सीसीटीव्ही फुटेजमध्ये दोन मुखवटा घातलेले व्यक्ती भावना चौहान यांच्या खोलीत शिरताना दिसून आले आहेत. त्यामुळे हा संशयास्पद प्रकार असून, पोलिस या घटनेचा तपास करत आहेत.

गोवा पोलिसांनी तत्काळ कारवाई करत तपासाच्या अनुषंगाने मध्य प्रदेशातील दोन संशयितांना अटक केली आहे. या घटनेमागील संभाव्य कारणे आणि हत्येचे नेमके कारण शोधण्यासाठी पोलीस चौकशी करत आहेत.