कळंगुट: बागा-हडफडे परिसरात एका रेस्टॉरंटमध्ये काम करणाऱ्या हरिबाला सेठे सुनार (३७) आणि गणेश कसेरा (२७) या नेपाळी तरुणांवर उत्तरप्रदेश येथील बोबी महेंद्रसिंग (३१) याने कोयत्याने हल्ला केला. याप्रकरणी हणजुण पोलिसांत तक्रार दाखल करण्यात आली आहे. ही घटना येथील एन्फिल्ड शोरुम जवळ रविवारी पहाटेच्या सुमारास घडली. या घटनेत दोघेही नेपाळी तरुण गंभीर जखमी झाले असून त्यांच्यावर म्हापशातील जिल्हा इस्पितळात उपचार सुरू आहेत. हरिबाला सेठे सुनार आणि गणेश कसेरा हे चुलत भाऊ आहेत.