मंगळवारी (1 ऑक्टोबर) पहाटे स्वत: कडे असणारी बंदूक साफ करत असताना अनावधानाने स्ट्रीगर दाबला गेल्याने अभिनेता गोविंदाच्या पायाला गोळी लागली होती. पायावर शस्त्रक्रिया संपन्न झाली असून सध्या गोविंदा सुखरूप आहे. तसेच जुहू पोलिसांकडून अधिक तपास सुरू आहे.

याप्रकरणावर गोविंदाने आपली प्रतिक्रिया दिली आहे. तो म्हणतो की, तुमच्या सर्वांच्या प्रेमामुळे व देवाच्या आशीर्वादामुळे मी सुखरूप आहे. तसेच यावेळी त्याने डॉ. अग्रवाल यांचे देखील आभार मानले आहेत.