डिचोली : जोरदार पावसामुळे डिचोली-कुडचिरे रस्त्यावरील व्हावटी परिसरात रस्त्यावर दरड कोसळली. त्‍यामुळे हा रस्ता सध्या रहदारीसाठी असुरक्षित आणि धोकादायक बनला आहे.

गेल्या तीन दिवसांपासून पडणाऱ्या जोरदार पावसामुळे दोन ठिकाणी दरड कोसळल्‍या. रस्त्याच्या बाजूला असलेला जुनाट आणि भव्यदिव्य ‘सातिंगण’ हा देवाचा वृक्ष कोसळण्याचा धोका आहे. तशी भीतीही स्थानिक व्यक्त करत आहेत.