डिचोली येथे एका महिलेची 'टाटा स्काय' रिचार्ज पॅकेजच्या नावाखाली फसवणूक केल्याप्रकरणी, डिचोली पोलिसांनी झारखंडमधील कुख्यात जामताडा येथून एका सायबर ठगाला अटक केली आहे. आरोपीला रविवारी (13 जुलै) डिचोली येथील न्यायालयाने 7 दिवसांची पोलीस कोठडी सुनावली आहे. या प्रकरणी डिचोली पोलीस ठाण्यात भारतीय न्याय संहिता २०२३ च्या कलम ३१८(२), ३१८(३), ३१८(४), ३१९(२) अंतर्गत गुन्हा दाखल करण्यात आला होता आणि पोलीस तपास करत होते.