राज्यात मागील काही दिवसांपासून आसगाव घर मोडतोड प्रकरण चांगलंच गाजत आहे. या प्रकरणावरुन आसगाव ग्रामपंचायतीच्या ग्रामसभेतही मोठा गदारोळ पाहायला मिळाला. आसगावातील या घराचा मालकी हक्क कोणाकडे आहे असा प्रश्न गावकऱ्याकडून विचारण्यात आला. पंचायतीच्या अधिकाऱ्यांच्या वतीने ग्रामस्थांच्या प्रश्नांची उत्तर देण्यात आली मात्र त्यांचे समाधान होऊ शकले नाही. आसगाव घर मोडतोड प्रकरणात राज्याचे डीजीपी जसपाल सिंग यांची भूमिका देखील संशयास्पद आहे.