Aleixo Reginaldo About Curtorim Road

सासष्टी: आपले काही विरोधक लोकांची दिशाभूल करीत आहेत. आपल्या विरोधात लोकांमध्ये विष कालवण्यासाठी त्यांना इतर काही विषय मिळत नसल्याने ते रस्त्याचा विषय पुढे करतात. मात्र, कुडतरी मतदारसंघातील रस्त्यांची दुरुस्ती व हॉटमिक्सिंगसाठीची सर्व प्रक्रिया पूर्ण करण्यात आली आहे. लवकरच या मतदारसंघातील रस्त्यांची दुरुस्ती व हॉटमिक्स डांबरीकरण होणार आहे, असे कुडतरीचे आमदार आलेक्स रेजिनाल्ड लॉरेन्स यांनी आज मडगावात पत्रकारांशी संवाद साधला व वरील निवेदन केले.

पावसाळ्यामुळे हे काम लांबले होते, पण त्यासाठी आपण प्रशासकीय, आर्थिक परवानगी मिळवली आहे. कामाचा आदेशसुद्धा देण्यात आला आहे. लोकांनी आणखी काही दिवस कळ सोसावी. त्याचप्रमाणे वीज खात्याची भूमिगत वाहिनी घालण्याचे काम तसेच अदानी गॅस एजन्सीच्या अपूर्ण राहिलेल्या कामामुळे रस्त्याची दुरुस्ती करता येत नाही. आपण वीज खात्याला तसेच अदानी गॅस एजन्सीला त्यांचे काम लवकरात लवकर पूर्ण करण्यास सांगितले आहे. एकदा रस्त्याची दुरुस्ती व हॉटमिक्सिंग झाल्यानंतर आपण रस्ते खोदण्यास देणार नाही, असेही आलेक्स रेजिनाल्ड यांनी स्पष्ट केले.

हाऊसिंग बोर्ड येथील रस्त्यांची दुरुस्ती व हॉटमिक्सिंगचे कामसुद्धा या दरम्यान पूर्ण करण्यात येणार आहे, असेही ते म्हणाले.