सासष्टी: तळेबांध, आके येथील साईनाथ प्रार्थना समाज ट्रस्टच्या साईधाम श्री साईबाबा मंदिरात शनिवार ५ रोजी संध्याकाळी ५ वाजता कै. महेश राजाध्यक्ष ट्रस्टचे उद्‍घाटन करण्यात येणार आहे. यावेळी ट्रस्टतर्फे देण्यात येणारा पहिला श्री साई सेवा सन्मान पुरस्कार मुख्यमंत्री डॉ. प्रमोद सांवत यांना प्रदान करण्यात येणार आहे. या सोहळ्याला केंद्रीय मंत्री श्रीपाद नाईक, खासदार सदानंद तानावडे,‌ आमदार दिगंबर कामत, नगराध्यक्ष दामोदर शिरोडकर, कै. आबाजी पणशीकर यांचे मानसपुत्र श्री शाहू महाराज शिंदे उपस्थित राहणार आहेत.

शनिवारी ५ रोजी रात्री ८.३० वाजता सुप्रसिद्ध आंतरराष्ट्रीय गायक पंडित शौनक अभिषेकी यांच्या गायनाचा कार्यक्रम संपन्न होणार आहे. त्यांना संवादिनीवर राया कोरगावकर, तबल्यावर दयानिधेश कोसंबे, पखवाजवर दत्तराज शेट्ये व मंजिरीवर राहुल खांडोळकर साथ संगत करणार आहेत. डॉ. गोविंद भगत कार्यक्रमात निवेदन करणार आहेत.