राजकीय नेते आणि त्यांच्या महागड्या कार्स हा तर देशभर चर्चेचा विषय. साधा नगरसेवक जरी झाला तरी पुढच्या पाच वर्षात त्याच्या घरापुढे महागड्या गाड्यांची रांग पाहायला मिळते. गोव्यातील मंत्र्यांकडे देखील अशाच महागड्या गाड्या पाहायला मिळतात. सर्वात महागडी गाडी मुख्यमंत्री डॉ. प्रमोद सावंत वापरतात, त्यांच्याकडे ४४ लाख आणि ३७ लाख रुपये किंमतीच्या दोन टोयोटा फॉर्च्युनर आहेत. तर, सर्वात स्वस्त गाडी कृषीमंत्री रवी नाईक यांच्याकडे आहे. दरम्यान, राज्याचे पर्यटनमंत्री रोहन खंवटे आणि आरोग्यमंत्री विश्वजीत राणे वैयक्तिक गाडी वापरतात.