IND vs PAK: वर्ल्डकपमधील भारत पाकिस्तानचा क्रिकेट सामना संपूर्ण जगाचे लक्ष वेधून घेताना दिसतो. भारत आणि पाकिस्तानच्या सामन्याची अनेकांना उत्सुकता असते. आज भारत-पाकिस्तानमधील सामन्याची अनेकजण वाट पाहत होते.

गुजरात मध्ये नरेंद्र मोदी स्टेडिअममध्ये होणाऱ्या या सामन्याला मास्टर ब्लास्टर सचिन तेंडूलकरने देखील उपस्थिती लावली असून भारतीय संघाला पाठिंबा देण्यासाठी त्याने या सामन्याला उपस्थिती लावली आहे. याबरोबरच बॉलीवूडची आघाडीची अभिनेत्री आणि विराट कोहली( Virat Kohli )ची पत्नी अनुष्का शर्मानेदेखील या सामन्याला उपस्थिती दर्शवली आहे.

महत्वाचे म्हणजे, भारत-पाकिस्तान सामन्याआधी होणाऱ्या कार्यक्रमासाठी बॉलीवूड( Bollywood )चे अनेक कलाकार एकत्र जमले आहेत. अमिताभ बच्चन, रजनीकांत असे बडे कलाकारदेखील या सामन्याला हजर राहणार असून लोकप्रिय गायक अरजित सिंगदेखील आपल्या आवाजाने स्टेजची शोभा वाढवणार आहे.

दरम्यान, हा सामना कोण जिंकणार असा प्रश्न विचारल्यावर सचिन तेंडूलकरने पत्रकाराला उत्तर देताना म्हटले आहे की, याचे उत्तर तुम्हाला आणि मला माहीत आहे. आता या सामन्यात कोणता संघ कोणावर भारी पडणार आणि आजचा सामना कोण आपल्या नावावर करणार हे पाहणे महत्वाचे ठरणार आहे.