विराट कोहली (Virat Kohli) आणि अनुष्का शर्मा (Anushka Sharma) हे बॉलिवूडमधील (Bollywood) लोकप्रिय आणि गोंडस जोडपे आहेत. अनुष्का आणि विराटची खास गोष्ट म्हणजे दोघेही एकमेकांवर खूप प्रेम करतातच पण एकमेकांना आपापल्या क्षेत्रांमध्ये सपोर्टही करतात.

शनिवारी अनुष्का शर्मा आणि विराट कोहलीच्या लग्नाचा वाढदिवस होता. 11 डिसेंबर 2017 रोजी लग्न झाले होते. विराट आणि अनुष्काच्या लग्नाला 4 वर्षे पुर्ण झाली आहेत. यावेळी दोघांनीही एकमेकांसोबत रोमँटिक पद्धतीने वेळ घालवला आहे. अनुष्काने या सेलिब्रेशनचे फोटो सोशल मीडियावर आपल्या चाहत्यांसोबत शेअर केले आहेत ज्यामध्ये टेबल खाद्यपदार्थांनी आणि फुलांनी सजवलेले आहे.

यंदाचा लग्नाचा वाढदिवस (Wedding Anniversary) विराट आणि अनुष्कासाठी खूप खास आहे कारण यावेळी दोघांचीही मुलगी त्यांच्यासोबत आहे. अनुष्काने विराटसाठी एक खास पोस्ट देखील शेअर केली होती, ज्यामध्ये तिने विराटचे कौतुक केले होते आणि त्याला सर्वोत्तम पती असल्याचे म्हटले होते. अनुष्काला तिच्या एनिवर्सरीच्या शुभेच्छा देताना विराटने तिला नेहमीच खंबिर पाठिंबा दिल्याबद्दल तिचे आभारही मानले आहेत.