'जब तक है जान'... कतरिना-अनुष्का होणार शेजारी-शेजारी!

सिनेस्टारच्या लग्नाकडे (Marriage) चाहत्यांच्या नजरा टिकुन राहिल्या होत्या तो सोहळा पार पडला, नवविवाहित अभिनेते विकी कौशल (Vicky Kaushal) आणि कतरिना कैफ (Katrina Kaif) यांच्या मुंबईतील जुहू येथील नवीन सी-फेसिंग अपार्टमेंटचे व्हिज्युअल सध्या सोशल मीडियावरती जोरदार व्हायरल होत आहेत. हे जोडपे त्यांच्या हनीमूनवरून परतल्यानंतर अपार्टमेंटमध्ये जातील. सी-फेसिंग अपार्टमेंट त्याच इमारतीत आहे ज्यामध्ये अनुष्का शर्मा (Anushka Sharma) आणि विराट कोहलीचे (Virat Kohli) अपार्टमेंट देखील आहे.

विकीने जुलैमध्ये राज महल इमारतीचा आठवा मजला भाड्याने घेतला होता. राज महल इमारत हा रिअल इस्टेट डेव्हलपर्स आशिष ग्रुपचा प्रकल्प असल्याचे सांगितले जाते. आशिष ग्रुपने इंस्टाग्रामवर शेअर केलेल्या आतील फोटोंमधून समुद्राचे सुंदर दृश्य असलेल्या प्रशस्त चार बेडरूमच्या अपार्टमेंटचे दृश्य दिसते आहे.