Vikrant Massey: 12th फेल चित्रपटांमुळे चर्चेत आलेला आणि प्रसिद्धीच्या शिखरावर पोहचलेला विक्रांत मेस्सी काही दिवसांपासून आपल्या मुलामुळे चर्चेत आहे. काही दिवसांपूर्वी त्याने सोशल मिडियावर आपल्याला पुत्ररत्न प्राप्त झाल्याची आनंदाची बातमी सोशल मिडियावर शेअर केली होती. आता त्याच्या घरी मुलाच्या नामकरणाचा सोहळा पार पडला आहे. विक्रांत मेस्सीने चाहत्यांना मुलाचे नाव काय ठेवले याची माहिती सोशल मिडियाद्वारे दिली आहे.

विक्रांत मेस्सी आणि त्याची पत्नी शीतल ठाकूर यांनी त्यांच्या मुलाचे 'वरदान' असे ठेवले आहे. आपल्या पत्नीसह बाळाचा फोटो पोस्ट करताना त्याने म्हटले आहे की- 'आशिर्वादापेक्षा आमचे बाळ कमी नाही, आम्ही त्याचे नाव 'वरदान' असे ठेवले आहे.'

याआधी त्याने सोशल मिडियावर पोस्ट करत मुलगा झाल्याची बातमी दिली होती. त्यावेळी एक नोट त्याने लिहली होती. ७.०२.२०२४ ला पुत्ररत्न प्राप्त झाल्याचे, आमच्या घरी आमच्या मुलाचे आगमन झाले असल्याचे त्याने या नोटमध्ये लिहले होते.

दरम्यान, विक्रांत मेस्सी याआधी अनेक वेब सीरीज, मालिका आणि काही चित्रपटांमध्ये दिसून आला आहे. मात्र त्याला 12th फेल या चित्रपटाने वेगळी ओळख मिळवून दिली. या चित्रपटात त्याने साकारलेल्या भूमिकांचे मोठ्या प्रमाणात कौतुक केले जात आहे.

विधू विनोद चोप्रा यांनी दिग्दर्शित केलेला चित्रपट आयपीएस अधिकारी मनोज कुमार शर्मा यांच्या आयुष्यावर आधारित आहे. करिनापासून आलिया, कंगनापर्यंत सर्वांनी या चित्रपटाचे आणि विक्रांतने निभावलेल्या भूमिकांचे कौतुक केले आहे. विक्रांतने शेअर केलेल्या पोस्टनंतर चाहते त्याचे अभिनंदन करताना दिसत आहेत.