बॉलिवूडमधील (Bollywood) विकी कौशल (Vicky Kaushal) आणि कतरिना कैफच्या (katrina Kaif) लग्नाची सध्या सर्वाधिक चर्चा होत आहे. चाहते दोघांच्या लग्नाची आतुरतेने वाट पाहत आहेत. विकी आणि कतरिना 9 डिसेंबरला राजस्थानमध्ये लग्नबंधनात अडकणार आहेत. त्यांच्या लग्नाबद्दल रोज नवनवीन अपडेट्स समोर येत असतात. आता आणखी एक अपडेट समोर आले आहे.

विकी आणि कतरिना या दोघांनीही त्यांच्या लग्नाची अधिकृत घोषणा केलेली नाही. दोघांनीही यावर आतापर्यंत मौन बाळगले आहे. 7 डिसेंबरपासून लग्नाचे सोहळे सुरू होणार आहेत. त्यासाठी राजस्थानला जाण्याची तयारीही सुरू झाली आहे.

लग्न दोन रितीरिवाजानुसार होणार आहे

वृत्तांवर विश्वास ठेवला तर विकी आणि कतरिना दोन रितीरिवाजानुसार लग्न करणार आहेत. पहिला विवाह हिंदू रितीरिवाजांनुसार सात फेऱ्या होणार आहे. दुसरे व्हाइट वेडिंग होईल. दोन्ही रितीरिवाजांच्या लग्नासाठी विविध प्रकारची सजावटही केली जाणार आहे.

कतरिनाच्या कुटुंबीयांनी तयारी केली आहे

सोशल मीडियावर एक व्हिडिओ व्हायरल होत आहे ज्यामध्ये कतरिनाच्या कुटुंबाचे बॅग्स कारमध्ये ठेवले जात आहे. तिच्या घराबाहेरचा हा व्हिडिओ आहे. व्हिडिओ पाहून असे म्हणता येईल की कतरिना आणि तिचे कुटुंब लग्नासाठी निघण्याच्या तयारीत आ

विकीच्या वडिलांनी फोटोग्राफर्ससाठी खास व्यवस्था केली

एका वृत्तसंस्थेच्या माहितीनुसार, विकी कौशलचे वडील श्याम कौशल यांनी रविवारी संध्याकाळी फोटोग्राफर्ससाठी खास व्यवस्था केली होती. त्यांनी सर्वांसाठी जेवणाची व्यवस्था केली होती. विकी, सनी आणि श्याम कौशल यांच्या ड्रायव्हरने इमारतीतून खाली उतरून ही खास व्यवस्था केली.

लग्नाचे कार्यक्रम सुरू झाले

विकी आणि कतरिनाच्या लग्नाचे फंक्शन सुरु झाले आहे. रविवारी संध्याकाळी कतरिना कैफ तिच्या कुटुंबासह विकीच्या घरी गेली. कतरिनाने पांढऱ्या रंगाचा लेहेंगा घातला होता ज्यामध्ये ती खूपच सुंदर दिसत होती. विकी आणि कतरिना सवाई माधोपूरच्या सिक्स सेन्स फोर्ट बरवरामध्ये लग्न करणार आहेत. लग्नाला 120 पाहुणे येणार आहेत. ज्यामध्ये बॉलिवूडचे काही सेलेब्स देखील फॅमिलीसोबत सामील आहेत. रिपोर्ट्सनुसार, राजस्थानमध्ये लग्न केल्यानंतर ते परत येऊन बॉलिवूडमध्ये रिसेप्शन देणार आहे.