मराठीसह हिंदी चित्रपटसृष्टी योगदान दिलेल्या ज्येष्ठ अभिनेत्री सुलोचना लाटकर यांचे निधन झाले. दादर येथील सुश्रुषा रुग्णालयामध्ये सुलोचना दीदी यांनी वयाच्या 94व्या वर्षी अखेरचा श्वास घेतला. त्यांच्या निधनाने मराठीसह हिंदी चित्रपटसृष्टीवर शोककळा पसरली आहे.

सुलोचना दीदींनी मराठी आणि हिंदी चित्रपटसृष्टीवर आपल्या अभिनयाची छाप पाडली होती. सुलोचना लाटकर यांची सुलोचना दीदी या नावानेच कलाक्षेत्रामध्ये ओळख होती. सुलोचनादीदींनी 250 हून अधिक चित्रपटांमध्ये अभिनय केला होता.

सुलोचना दीदींनी एकटी, धाकटी जाऊ, मीठभाकर, वहिनींच्या बांगड्या, मोलकरीण, पारिजातक अशा 250 हून अधिक मराठी चित्रपटांमध्ये अभिनय केला होता. तर कटी पतंग, संबंध, चिराग, आये दिन बहार के, नाटक अशा 150 हून अधिक हिंदी चित्रपटांमध्ये अभिनय साकारला होता.

प्रभादेवी येथील घरी सुलोचना दीदी यांचं पार्थिव सोमवारी सकाळी 11 ते दुपारी 4 वाजेपर्यंत अंतिम दर्शनासाठी ठेवण्यात येणार आहे. त्यानंतर संध्याकाळी त्यांच्यावर शिवाजी पार्क स्मशानभूमीत अंत्यसंस्कार होतील.