बॉलिवूड अभिनेता वरुण धवन (Varun Dhawan) आणि क्रिती सेनन (Kriti Sanon) हे सध्या त्यांच्या आगामी 'भेडिया' चित्रपटामुळे सोशल मिडियावर चर्चेत आहेत. चित्रपटाचा ट्रेलर रिलीज झाल्यापासून तो सोशल मीडियावर सतत ट्रेंड होत आहे. कृती आणि वरुणही त्यांच्या चित्रपटाचे ठिकठिकाणी जाऊन प्रमोशन करत आहेत. या दरम्यान ते  पुढच्या आठवड्यात हा चित्रपट बॉक्स ऑफिसवर धूम ठोकणार आहे.

पण चित्रपट (Movie) रिलीज होण्यापूर्वी वरुण धवनचा (Varun Dhawan) एक व्हिडिओ सोशल मीडियावर (Social Media) व्हायरल होत आहे. दुबईमध्ये वरुण धवनचा जलवा दिसत आहे. या दरम्यान बुर्ज खलिफावर 'Bhediya' चा ट्रेलर झळकला. याचा व्हिडीओ त्याने इंस्टाग्रामवर शेअर केला आहे.

'भेडिया' 25 नोव्हेंबरला थिएटरमध्ये पाहायला मिळणार आहे. या चित्रपटाची स्टारकास्ट सध्या प्रमोशनमध्ये व्यस्त आहे. या चित्रपटाचा (Movie) ट्रेलर रिलीज झाला आहे. ट्रेलरमधील चित्रपटाची झलक दिनेश विजानच्या 'स्त्री'ची आठवण करून देणारी आहे. 'स्त्री' आणि 'भूल भुलैया'प्रमाणे या चित्रपटात सस्पेन्स आणि कॉमेडीचा रंजक तडका प्रेक्षकांना पाहायला मिळणार आहे.