भारताचा सुपरस्टार क्रिकेटर 'ऋषभ पंत' याचा भीषण अपघात झाला आणि देशभरात सर्वत्र खळबळ उडाली. या अपघातात ऋषभ गंभीररीत्या जखमी झाला आहे. सध्या त्याच्यावर उपचार सुरू आहेत

हा शुक्रवार ब्लॅक फ्रायडे ठरला आहे. कारण प्रसिद्ध फुटबॉल खेळाडु पेले, पंतप्रधान नरेंद्र मोदी यांच्या आई हिराबेन यांचंही आजच निधन झालं आहे.

या धक्कादायक बातम्या येऊन पडतायत न पडतायत तेवढ्यात ऋषभ पंतच्या अपघाताची बातमी समोर आली. गंभीर दुखापत झालेल्या ऋषभसाठी स्वत: नरेंद्र मोदी यांनी बरे होण्यासाठी शुभेच्छा व्यक्त केल्या आहेत. पण आता त्याच्यासाठी आता विशेष शुभेच्छा व्यक्त केल्या आहेत . आणि या शुभेच्छा दिल्या आहेत अभिनेत्री ऊर्वशी रौतेला हिने.

अभिनेत्री ऊर्वशी रौतेला आणि ऋषभ पंत एकमेकांना डेट करत असल्याच्या बऱ्याच बातम्या मध्यंतरी आल्या होत्या. आता साहजिकच ऋषभच्या अशा अवस्थेत ऊर्वशीचे अस्वस्थ होणे साहजिकच आहे. ऊर्वशीने आपल्या इंन्स्टाग्राम अकाउंट वरुन ऋषभसाठी प्रार्थना केली आहे. या पोस्टमध्ये तिने नाव लिहलं नसलं तरी फॅन्सना मात्र या शुभेच्छा कुणासाठी आहेत याची कल्पना आहे.