गेले काही दिवस अभिनेत्री ऊर्फी जावेद आणि महाराष्ट्र भाजपच्या नेत्या चित्रा वाघ यांच्यात ट्वीट्टर वॉर सुरू आहे. ऊर्फी जावेदच्या कपड्यावरुन सुरू असलेला हा वाद चांगलाच पेटला. ऊर्फीच्या कानाखाली वाजवण्याची धमकी देण्यापर्यंत हा वाद पेटला.

त्यानंतर ऊर्फींने संजय राठोड यांचा उल्लेख केल्याने चित्रा वाघ चांगल्याच भडकल्या. पुढे तर ऊर्फीने चित्रा वाघ यांचा चित्रु असा एकेरी उल्लेख केला. आता तर ऊर्फीने कहरच केला आहे.

ऊर्फीने भगव्या रंगाची तंग कपडे घालुन बॅकग्राऊंडला पठाण चित्रपटातलं गाणं वाजवलं आहे. गेले काही दिवस पठाण चित्रपटाच्या बेशरम गाण्यावरुन वाद सुरू आहे. या गाण्यावरुन झालेला वाद गेल्या काही दिवसांत शांत झाल्यासारखा वाटत असताना आता उर्फीमुळे पुन्हा पेटण्याची शक्यता निर्माण झाली आहे.

भगव्या रंगाचे तंग कपडे घालुन ऊर्फीने त्याचा व्हिडीओ इन्स्टाग्रामवर शेअर केला आहे..यावर आता युजरकडुनही संतप्त प्रतिक्रिया येत आहेत

पठाण चित्रपटातल्या 'बेशरम रंग' या गाण्यावरुन काही हिंदुत्ववादी संघटनांंनी धार्मिक भावना दुखावल्याचे कारण देउन चित्रपट बॉयकॉट केला होता.

हा सगळा वाद आता शांत होत असताना ऊर्फीने नवा वाद निर्माण केला आहे. याच्यावर आता भाजपच्या नेत्या चित्रा वाघ यांनी पत्रकार परिषद घेउन नाराजी व्यक्त केली आहे. ऊर्फी जावेद आता चित्रा वाघ यांच्या हिटलिस्टवर असणार हे आता एक समीकरणच झालं आहे. तेजस्विनी पंडितला नोटीस देणारा महिला आयोग आता गप्प का असा प्रश्न त्यांनी विचारला आहे.

चित्रा वाघ आणि ऊर्फी जावेद यांच्यातला वाद आता आणखी भडकणार यात शंका नाही.भगव्या रंंगावरुन सुरू झालेला हा वाद आणि त्यावर येणाऱ्या प्रतिक्रिया अतीशय गरम असणार हे निश्चित