अभिनेत्री तुनिषा शर्मा आत्महत्या प्रकरणी आता नवे खुलासे समोर येणार आहेत ;कारण तुनिषाचा फोन पोलिसांकडुन अनलॉक झाला आहे. आता या फोनमधुन नव्या गोष्टी समोर येऊन या प्रकरणाला वेगळं वळण मिळण्याची शक्यता निर्माण झाली आहे. 24 डिसेंबर रोजी तुनिषाने मालिकेच्या सेटवरच मेक-अप रूममध्ये तिने आत्महत्या केल्याची घटना घडली होती.

तुनिषाची आई वनिता शर्मा यांनी व्यक्त केलेल्या संशयावरुन तुनिषाचा सहकलाकार अभिनेता शीजान खान याला पोलिसांनी अटक केली होती. आता तुनिषाचा फोन अनलॉक झाल्याने काही गोष्टा नव्याने समोर येण्याची शक्यता आहे.

या प्रकरणात तुनिषाच्या मोलकरणीकडे सुद्धा चौकशी केली. मोलकरणीने सांगितले की ,तुनिषा आणि शीजान यांची लग्नाची तयारी सुरू होती. शीजान आणि तुनिषा एकमेकांच्या घरीही राहायला जायचे. पुढे सांगताना तुनिषाच्या घरची मोलकरीण म्हणाली की तुनिषाची आई वनिता शर्मा यांचेही शीजानच्या घरी येणे -जाणे होते.

अभिनेत्री तुनिषाचा फोन अनलॉक करण्याचा प्रयत्न पोलिस गेले काही दिवस करत होते. 29 डिसेंबरच्या दिवशी त्यांना यश आले. या फोनमधुन काही धक्कादायक गोष्टी समोर येण्याची शक्यता आहे. तुनिषाच्या आईने शीजान खान ड्रग्ज घेत असल्याची माहिती समोर आली आहे. पोलिस आता याबाबतीत आधिक तपास करत आहेत या प्रकरणात अजुन धक्कादायक गोष्टी समोर येण्याची शक्यता आहे.