Akanksha Puri: आकांक्षा पुरी गेल्या काही काळापासून आपल्या वैयक्तिक आयुष्यामुळे चर्चेत असते. आता ती बीग बॉस शोच्या माध्यमातून प्रेक्षकांचे मनोरंजन करणार आहे. या आधी ती मीका सिंह की वोटी या कार्यक्रमात दिसून आली होती. त्यावेळी मिका सिंहने तिला निवडले होते. सध्या या शोबाबत आणि मिका सिंहच्या रिलेशनबाबत केलेल्या वक्तव्यामुळे चर्चेत आहे.

एका मुलाखती दरम्यान, ती खरंच मिका सिंहबरोबर लग्न करणार आहे का का तिला मिका सिंहने आपली भावी पत्नी म्हणून निवडणे हे सगळे खोटे होते असा प्रश्न विचारला असता आकांक्षाने म्हटले आहे की, जेव्हा शोदरम्यान मिका सिंह मला निवडत होते तेव्हा त्यांनी स्पष्टपणे सांगितले होते की, मी माझ्या मैत्रीणीला निवडत आहे.

जर भविष्यात आम्हाला मैत्रीच्या पुढे जायचे असेल तर आम्ही विचार करु. आजही मी आणि मिका सिंह चांगले मित्र आहोत आणि पुढेही राहू, त्यांच्याशी लग्न करण्याचा कोणताही विचार केला नव्हता. मी आज सिंगल आहे. मात्र लोकांना वाटते की मी रिलेशनशीपमध्ये आहे. त्यामुळे कोण अॅप्रोचदेखील करत नाही, अशी खंतदेखील तिने मांडली आहे.

याबरोबरच, गौहर खान नेहमीच माझी आवडती स्पर्धक राहिली आहे. गेल्या चार सीझनपासून माझे बीग बॉससोबत नाव जोडले जात होते. मात्र मी इतर शो करत असल्याने आता ही संधी मिळत आहे. बीग बॉसच्या शो दरम्यान मला कोणी योग्य व्यक्ती मिळाला तर मी नक्की विचार करेन असेही आकांक्षाने म्हटले आहे. याबरोबरच, इतर स्पर्धकांनी माझ्यापासून जपून राहिले पाहिजे, असेदेखील तिने म्हटले आहे.