Rajinikanth Birthday: साऊथ चित्रपट ते बॉलिवूड चित्रपटांमध्ये आपल्या अभिनयाने प्रेक्षकांची मने जिंकणारे रजनीकांत अजूनही इंडस्ट्रीत अॅक्टिव आहेत. त्यांनी राजकारणातही प्रवेश केला आहे. आपल्या संपूर्ण कारकिर्दीत रजनीकांत यांनी अनेक चित्रपटांमध्ये काम केले. चित्रपट पडद्यावर अनेक अभिनेत्रींसोबत त्यांनी काम केले आहे. परंतु ज्या चित्रपटात रजनीकांत (Rajinikanth) श्रीदेवीसोबत ऑनस्क्रीन दिसले तो चित्रपट हिट ठरला. पण तुम्हाला माहित आहे का की श्रीदेवीने रजनीकांतसाठी 7 दिवस उपवास केला होता. अ

रजनीकांत (Rajinikanth) आणि श्रीदेवी त्यांच्या काळातील प्रसिद्ध आणि डिमांडिंग स्टार होते. या दोघांनी केवळ साऊथ चित्रपटांमध्येच चमक दाखवली नाही, तर त्यांच्या अभिनयाने बॉलिवूडमध्येही (Bollywood) भरपूर कमाई केली. दोघांनी जवळपास 25 चित्रपटांमध्ये एकत्र काम केले. यातील बहुतांश चित्रपट कन्नड, मल्याळम, तेलुगू आणि तमिळ भाषांमध्ये आहेत. 'फरिश्ते', 'चालबाज', 'भगवान दादा', 'जुल्म' आणि 'गैर लेगी' हे रजनीकांत आणि श्रीदेवी यांचे सुपरहिट चित्रपट होते. 

• श्रीदेवी यांनी रजनीकांतसाठी ७ दिवस केला उपवास

'हिंदुस्तान टाईम्स'ला दिलेल्या मुलाखतीत रजनीकांत यांनी सांगितले की, 2011 मध्ये जेव्हा ते त्यांच्या 'राणा' चित्रपटाचे शूटिंग करत होते, त्यावेळी त्यांची तब्येत बिघडली होती. त्यांना उपचारासाठी सिंगापूरला न्यावे लागले. श्रीदेवीला जेव्हा हे कळले तेव्हा ती खूप अस्वस्थ झाली. रजनीकांत यांची प्रकृती सुधारण्यासाठी त्यांनी शिर्डीला जाण्याचा निर्णय घेतला. शिर्डीला भेट दिल्यानंतर त्यांनी रजनीकांत यांच्या प्रकृतीसाठी 7 दिवस उपोषण केले जेणेकरून रजनीकांत लवकरात लवकर बरे व्हावे.

श्रीदेवीची प्रार्थना सर्वशक्तिमानाने स्वीकारली आणि रजनीकांत पूर्णपणे बरे होऊन भारतात परतले. रजनीकांत घरी परतताच श्रीदेवी पती बोनी कपूरसोबत त्यांना भेटायला आल्या. रजनीकांत यांच्या तब्येतीत झालेली सुधारणा पाहून श्रीवेदीच्या जीवात जीव आला.आज श्रीदेवी या जगात नसून त्यांचे सहकलाकारांसोबत नेहमीच चांगले संबंध होते.