Sushmita-Rohman Patch Up: बॉलिवूडमध्ये कलाकारांच्या नातेसंबंधांबाबत अनेकदा चर्चा होत असतात. त्यांचे ब्रेक अप झाल्यावर अनेकदा चाहते नाराज होत असतात. अभिनेत्री सुष्मिता सेन (Sushmita Sen) नेहमीच नवनवीन गोष्टींमुळे चर्चेत असते. गेली काही वर्ष ती स्वत:पेक्षा वयाने लहान असलेल्या रोहमन शॉलला डेट करत होती. पण नंतर काही कारणामुळे दोघांनी आपले ब्रेकअप झाल्याची जाहीर घोषणा केली. मात्र ब्रेकअपनंतर दोघे पुन्हा एकदा एकत्र दिसल्यामुळे त्यांच्या पॅचअपच्या अनेक चर्चा होऊ लागल्या आहेत. (Sushmita Rohman Patch Up latest news updates)

सुष्मिता सेन नुकतीच एक्स बॉयफ्रेंड रोहमन शॉलसोबत दिसली होती. यावेळी ते दोघेही एकत्र कॅमेऱ्यात कैद केले. दोघेही कुठूनतरी येताना आणि एकमेकांसोबत गाडीत बसताना दिसले. इतकेच नाही तर, रोहमन सुष्मिता सेनला तिथे उपस्थित असलेल्या गर्दीपासून वाचवतानाही दिसला. सेलिब्रिटी फोटोग्राफर विरल भयानीने यादरम्यानचा व्हिडीओ त्याच्या अधिकृत इंस्टाग्राम अकाऊंटवर पोस्ट केला आहे.

ते दोघेही एका रेस्टॉरंटमधून बाहेर पडल्यावर तिथल्या जमावाने त्यांच्यासमोर गर्दी केली. यावेळी रोहमनने दोन्ही हातांनी सुष्मिताभोवती ठेवले. त्यामुळे परत त्यांचे पॅचअप झाले असल्याचे सर्वत्र बोलले जात आहे.