Pawan Kalyan Viral Media: तेलुगू सिनेसृष्टीतील सुपरस्टार आणि राजकारणी पवन कल्याण (Pawan Kalyan) सध्या त्याच्या एका व्हिडिओमुळे खूप चर्चेत आहे. व्हिडिओमध्ये जनसेना पक्षाचे अध्यक्ष पवन कल्याण हे एसयूव्हीच्या छतावर बसलेले दिसत आहेत. व्हिडिओ पाहून तुम्हालाही वाटेल की हा चित्रपटाच्या शूटिंगचा आहे, पण तसे नाही. हा व्हिडिओ तेव्हाचा आहे जेव्हा पवन गुंटूर जिल्ह्यातील इप्पटम गावाला भेट देणार होते तेव्हाचा आहे.

इप्पटम गावात रस्ता रुंद करण्यासाठी घरे पाडण्यात आली. ज्यांची घरे पाडण्यात आली त्याच लोकांना भेटण्यासाठी पवन कल्याण इप्पटमला पोहोचला होता. यावेळी त्यांनी तेथील लोकांची भेट घेतली. व्हिडिओसह पवनचे गावकऱ्यांसोबतचे अनेक फोटोही सोशल मीडियावर व्हायरल होत आहेत.

व्हिडिओ व्हायरल झाल्यानंतर पवन कल्याणचे चाहते त्याला लोकनेता म्हणत आहेत. व्हिडीओ शेअर करताना डॉ. शिव प्रसाद रेड्डी नावाच्या एका युजरने असे लिहिले की, "हे थोडं विचित्र वाटत आहे, पण असा स्वॅग आणि अॅटिट्यूड तोही स्क्रीनच्या बाहेर."

काही लोक गावकऱ्यांना भेटून पवनचे कौतुक करत आहेत, तर अनेक युजर्स पवनवर अशा प्रकारे गाडीच्या छतावर बसल्याबद्दल टीका करत आहेत.