Sapna Chaudhari: हरियाणाची प्रसिद्ध डान्सर सपना चौधरीबाबत एक मोठी माहिती समोर आली आहे. सपना चौधरीविरुद्ध हुंडा मागितल्याचा गुन्हा दाखल करण्यात आला आहे.

हुंड्यामध्ये क्रेटा गाडी मागितल्याचे समोर आले आहे. याबरोबरच, सपना चौधरी, तिचा भाऊ आणि आई यांच्यावर मारहाणीचा आरोपसुद्धा लावण्यात आला आहे. फरिदाबादच्या पलवन महिला ठाण्यात ही केस दाखल करण्यात आली आहे.

सपना चौधरीचा भावाच्या पत्नीने ही केस दाखल केल्याचे म्हटले आहे. पीडीतेच्या म्हणण्यानुसार, या तिघांनी हु्ंड्यामध्ये क्रेटा गाडी मागितली. जेव्हा त्यांची ही मागणी पूर्ण झाली नाही तेव्हा तिला सपना चौधरी, तिचा भाऊ कर्ण आणि तिची आई यांच्याकडून मारहाण करण्यात आल्याचे आरोपांमध्ये म्हटले आहे.

पीडीतेने आरोपांमध्ये म्हटल्यानुसार, 2018 मध्ये दिल्ली( Delhi)मध्ये राहणाऱ्या सपनाचा भाऊ कर्ण चौधरी याच्याबरोबर पीडीतेचे लग्न झाले होते. लग्नात 42 तोळे सोने देण्यात आले होते. त्याबरोबरच, 42 लाख लग्नात खर्च झाले होते.

मुलीच्या जन्मानंतर सासरच्यांनी क्रेटा गाडी मागितली होती. तेव्हा पीडीतेच्या वडीलांकडून 3 लाख रोख, सोने, चांदी दिले मात्र क्रेटा गाडी दिली नसल्याने सासरच्या लोकांनी तिला मारहाण करण्यास सुरुवात केली केल्याचे म्हटले आहे.

दरम्यान, याआधीदेखील सपना चौधरीवर पोलीस केस दाखल झाले आहेत. पोलीस( Police) याप्रकरणाची अधिक चौकशी करत आहेत.