Sanjay Dutt: संजय दत्त म्हणजेच बॉलीवूडचा संजू बाबाने आपल्या सहज अभिनयाने प्रेक्षकांच्या मनात वेगळे स्थान निर्माण केले आहे. सध्या संजय दत्त टॉलीवूडमध्ये काम करत असून याआधीदेखील तो केजीएफमध्ये दिसून आला आहे.

सध्या केडी-द डेव्हील या चित्रपटाच्या शूटींगमध्ये संजय दत्त व्यस्त असल्याची माहीती मिळाली आहे. शूटिंगदरम्यान, संजय दत्त जखमी झाल्याची माहीती समोर आली आहे. बेंगलोरच्या जवळ सुरु असलेल्या शुटींगवेळी बॉम्बस्पोटच्या सिक्वेंसचे शूटिंग सुरु होते.

त्यावेळी या बॉम्बस्फोटाचे शूटिंग करताना स्फोट झाला आणि संजय दत्त जखमी झाला आहे. मिळालेल्या माहीतीनुसार, त्याच्या कोपर, चेहऱ्यावर जखमा झाल्या आहेत. या घटनेनंतर या चित्रपटाचे शूटिंग थांबवण्यात आले आहे.

दरम्यान, काही दिवसांपूर्वीच अमिताभ बच्चनदेखील चित्रीकरणादरम्यान जखमी झाल्याची माहीती समोर आली होती. आता संजय दत्त या अपघातातून कधी सावरणार हे पाहणे महत्वाचे ठरणार आहे.