Sanjay Dutt: शाहरुख खानच्या पठाण चित्रपटाने बॉक्स ऑफीसचे सगळे रेकॉर्ड तोडत मोठे यश कमावले आहे. पठाण चित्रपट प्रदर्शित होण्याआधी वादामुळे आणि नंतर चित्रपटामुळे शाहरुख खान बराच चर्चेत राहिला. आता जवान चित्रपटाच्या निमित्ताने शाहरुख पून्हा चर्चेत आला आहे.

आता जवान चित्रपटात शाहरुखबरोबर संजय दत्तदेखील दिसणार असल्याचे म्हटले जात आहे. शाहरुख आणि संजय दत्त पहिल्यांदाच एकत्र काम करणार आहेत.

2007 साली आलेल्या ओम शांती ओम सिनेमातल्या एका गाण्यात संजय आणि शाहरुख खानने एकत्र काम केले होते. याशिवाय 2012 ला आलेल्या रा वन सिनेमात संजूबाबाने शाहरुख सोबत पाहुण्या कलाकाराची भूमिका साकारली होती.

जवानचे दिग्दर्शक atlee आधी 'पुष्पा' फेम अभिनेता अल्लू अर्जुनला जवान साठी कास्ट करत होते. पण अल्लू अर्जुनने जवान मध्ये काम करण्यास नकार दिला. आता अल्लू अर्जुन नंतर दिग्दर्शक atlee संजय दत्तला कास्ट करण्याच्या विचारात आहेत.

संजय दत्त सध्या काश्मीरमध्ये आहे. संजुबाबा थलपथी विजय स्टारर 'लिओ' चे शूटिंग करत आहे, पण तो लवकरच मुंबईला परतणार असून शाहरुख खानची( Shahrukh- khan ) भेट घेणार असल्याचं समजतंय. याशिवाय संजूबाबा सध्या हेरा फेरी 3 सिनेमाचं शूटिंग सुद्धा करणार आहे.

जवान हा एक अॅक्शन एंटरटेनर असल्याचं म्हटलं जात आहे. जून 2023 मध्ये जवान प्रेक्षकांच्या भेटीला येण्याची शक्यता आहे.