नव्वदीच्या दशकात सलग 10 वर्षे हिट देउनही गोविंदाला त्याचं स्थान देण्यात इंडस्ट्री कमी पडली असं मत दिग्दर्शक रोहित शेट्टीने व्यक्त केले आहे.आज बॉलीवुडमध्ये खान सुपरस्टारचा पगडा आहे. अक्षय कुमारसारखे कलाकार आज वर्षाला 5- 6 चित्रपट करतात पण एक काळ असा होता जेव्हा इंडस्ट्रीत एका अभिनेत्यासाठी वाट पाहिली जायची. तो अभिनेता म्हणजे बॉलिवूडचा लाडका गोविंदा.

90च्या दशकात गोविंदाने शब्दश: गारुड घातलं होतं.1986 साला पदार्पण केल्यानंतर एकाच वेळी 70 चित्रपट साईन केले होते. त्या काळात गोविंदा एका दिवसात 5 ते 6 चित्रपटाचे शुटींग करत होता. पण काळ बदलला आणि आज गोविंदासाठी एक चित्रपट मिळणं मुश्कील झालं.

अशा काळात गोविंदा प्रेक्षकांना केवळ रिअ‍ॅलीटी शो मध्ये मध्ये प्रमुख पाहुणा म्हणुन दिसतो. गोविंदाच्या याच स्टारडमवर दिग्दर्शक रोहित शेट्टी बोलला आहे. रोहित शेट्टीच्या मते ज्याअर्थी गोविंदाने 10 वर्षे सलग हिट चित्रपट दिले आहेत त्याअर्थी त्याला आज एक मोठं स्थान मिळणं अपेक्षित होतं.

याबाबतीत इंडस्ट्री गोविंदाला न्याय देऊ शकली नाही. गोविदाला आज सुपरस्टार म्हणवुन घेण्याचा आधिकार आहे, असंही रोहित शेट्टी म्हणाला.

रोहित शेट्टीच्या मते 90च्या दशकात गोविंदाने डेविड धवन यांच्यासोबत बॅक टू बॅक हिट दिल्या. गोविंदा आणि डेविड धवन या सुपरस्टार जोडीने 'शोला और शबनम', 'राजा बाबू', 'आॉंखें', 'जोडी नंबर 1', 'कुली नंबर 1' आणि 'हसीना मान जाएगी' सारखे हिट चित्रपट दिले आहेत मला वाटतय गोविंदाला न्याय मिळू शकला नाही, अन्यथा तो सुपरस्टार असता .