रिया चक्रवर्ती (Rhea Chakraborty) तीचा आवाज रेकॉर्ड करतानाचा एक व्हिडिओ शेयर केला आहे. तिने असेही सांगितले आहे की दोन वर्षानंतर ती कामावर परतली आहे. व्हिडीओ शेयर करतांना रियाने लिहिले की, "काल 2 वर्षांनी मी कामावर गेले. माझ्या कठीण काळात माझ्या पाठीशी उभे राहिलेल्या सर्वांचे खूप आभार. " या व्हिडिओमध्ये रिया एका रेडियो चॅनलच्या स्टुडिओमध्ये स्क्रिप्ट वाचताना आणि रेकॉर्डिंग करतांना दिसत आहे.

रिया चक्रवर्तीने हा व्हिडिओ आपल्या इन्स्टाग्राम (Instagram) अकाऊंटवर शेयर केला आहे. या व्हिडओवर (Video) तिच्या चाहत्यांनी कमेंट आणि लाईक्सचा वर्षाव केला आहे.

* ड्रग्ज प्रकरणात अटक

सप्टेंबर 2020 मध्ये रिया (Rhea Chakraborty) आणि तिचा धाकटा भाऊ शौविक चक्रवर्ती यांना NCBने अटक केली होती. दोघांनाही मुंबईतील (Mumbai) भायखळा कारागृहात पाठवले, जिथे रियाने एक महिना घालवला, तर शौविकला तीन महिन्यांनी जामीन मिळाला. तपासादरम्यान जप्त केलेला रियाचा लॅपटॉप(Laptop) , मोबाइल (Mobile) आणि इतर गॅजेट्स परत करण्याचे आदेश मुंबईतील न्यायालयाने गेल्या वर्षी दिले होते.