'पुष्पा' स्टार रश्मिका मंदान्ना सतत चर्चेत असते. अलीकडे रश्मिका बॉलिवूड अभिनेता टायगर श्रॉफ लवकरच एका चित्रपटात दिसणार असल्याची जोरदार चर्चा आहे. करण जोहरच्या धर्मा प्रॉडक्शनद्वारे या चित्रपटाची निर्मिती केली जाणार असून त्यात ती टायगर श्रॉफसोबत काम करणार असल्याची चर्चा होती. या चित्रपटाचे दिग्दर्शन शशांक खेतान करणार असल्याचे बोलले जात होते. मात्र आता अभिनेत्रीने यावर मौन सोडले आहे. (Rashmika Mandanda, Tiger Shroff)

टायगर श्रॉफसोबत जाहिरातीत दिसणार

रश्मिकाने तिच्या इन्स्टा स्टोरीजवर या बातमीची पुष्टी केली आहे की, ती खरंच टायगर श्रॉफसोबत एका जाहिरातीत दिसणार आहे. टायगरसोबतच्या तिच्या नुकत्याच झालेल्या जाहिरातीच्या शूटच्या सेटवरून तिच्या सोशल मीडिया अकाऊंटवर व्हिडिओ शेअर करताना रश्मिकाने कॅप्शनमध्ये लिहिले - "अफवा खऱ्या होत्या मित्रांनो. मी फक्त एका जाहिरातीसाठी शूट केले आहे... टायगरसोबत काम करण्यास मी तयार आहे." या माहितीमुळे आता हे स्पष्ट झाले आहे की रश्मिका टायगरसोबत एका जाहिरातीत दिसणार आहे.

या बॉलिवूड चित्रपटांमध्ये रश्मिका मंदान्ना छळकणार

रश्मिका मंदान्ना लवकरच अमिताभ बच्चन यांच्यासोबत बॉलिवूडमध्ये पदार्पण करण्यासाठी सज्ज आहे. नुकतेच तिने काही फोटो शेअर केले आहेत. यानंतर तिच्याकडे सिद्धार्थ मल्होत्राचा मिशन मजनू आहे. तिने या वर्षाच्या सुरुवातीला रणबीर कपूरसोबत 'अॅनिमल'च्या शूटिंगला सुरुवात केली होती. या चित्रपटाचीही प्रेक्षक आतुरतेने वाट पाहत आहेत. तिच्या हिंदी चित्रपटांव्यतिरिक्त, रश्मिकाकडे तेलुगुमध्ये अल्लू अर्जुनसोबत पुष्पा 2, थलपथी विजयसोबत वारिसू आणि तामिळमध्ये दुल्कर सलमान आणि मृणाल ठाकूरसोबत सीता रामम हे मोठे प्रोजोक्ट आहेत. दरम्यान, ईद-अल-अधाच्या शुभ मुहूर्तावर रश्मिकाचा आगामी चित्रपट 'सीता रामम' चा फर्स्ट लूक पोस्टर प्रदर्शित करण्यात आला आहे.

टायगर श्रॉफचे आगामी चित्रपट

दुसरीकडे, टायगर श्रॉफबद्दल बोलायचे झाले तर, त्याने नुकतेच क्रिती सेननसोबत विकास बहलच्या गणपत चित्रपटाचे शूटिंग पूर्ण केले आहे. हा सिनेमा डिसेंबरमध्ये रिलीज होतोय. टायगर हा अली अब्बास जफरच्या बडे मियाँ छोटे मियामध्ये दिसणार आहे. हा चित्रपट ख्रिसमसच्या मुहूर्तावर रिलीज होणार आहे. 2023 आणि 'रॅम्बो', ज्याचे दिग्दर्शन 'वॉर' दिग्दर्शक सिद्धार्थ आनंद करणार आहेत.