बॉलिवूडमधील प्रसिद्ध अभिनेता रणबीर कपूर (Ranbir Kapoor) आणि अभिनेत्री आलिया भट (Alia Bhatt) यांनी 15 एप्रिल रोजी लग्नगाठ बांधली. नातेवाईक आणि बॉलीवुड कलाकारांच्या उपस्थितीत अगदी साध्या पद्धतीनं या दोघांचा विवाह सोहळा पार पडला. त्यांच्या लग्नसोहळ्यातील काही व्हिडीओ सोशल मिडियावर व्हायरल झाले आहेत. त्यामधील एका व्हिडीओमध्ये वर-मालेचा कार्यक्रम दिसत असून दुसऱ्या व्हिडीओमध्ये आलिया आणि रणबीर शाहरूख खान यांच्या छैय्या छैय्या या गाण्यावर डान्स करताना दिसत आहेत.

व्हायरलभयाणीने इन्स्टाग्रामवर ( Instagram) एक व्हिडीओ शेअर केला आहे. हा व्हिडिओ वर-माला कार्यक्रमाचा असून यामध्ये रणबीरचे मित्र त्याला उचलताना दिसत आहे. पण रणबीर त्यांना खाली उतरवायल लावतो त्यानंतर आलिया रणबीरला वर-माला घालते.

दुसऱ्या व्हिडीओमध्ये (Video) रणबीर आणि आलिया किंग खान म्हणजेच शाहरूख खानच्या 'छैय्या छैय्या' या गाण्यावर डान्स करतांना दिसत आहेत. या व्हिडीओवर त्यांच्या चाहत्यांनी लाईक्स आणि कॅमेन्टचा वर्षाव केला आहे.

तिसऱ्या व्हिडीओ आलिया आणि कारण जोहर संगीत कार्यक्रमाचा आनंद घेतांना दिसत आहेत. हे दोघे 'स्टुडन्ट ऑफ द इयर' या चित्रपटांमधील गाण्यावर डान्स करतांना दिसत आहेत.

नीतू कपूर म्हणाल्या...

रणबीर आलियाच्या लग्नाचे सर्व विधी आटोपल्यानंतर नीतू कपूर (Neetu Kapoor) आणि मुलगी रिद्धिमा आणि जावई भरत साहनीसोबत मीडियासमोर आल्या. त्यांनी पापाराझींचे मनापासून आभार मानले. तसेच आलिया-रणबीरवर प्रेमाचा वर्षाव केल्याबद्दल आनंद व्यक्त केला. याशिवाय त्यांना रिसेप्शनबाबत विचारण्यात आले तेव्हा, नीतू कपूर यांनी रिसेप्शन होणार नसल्याचे स्पष्ट सांगितले आणि म्हणाल्या सगळं झालं आता तुम्ही आरामात घरी जाऊन आराम करा.