Rakul Preet Singh: बॉलीवूडची अभिनेत्री रकूल प्रीत सिंग ही नेहमी कोणत्या ना कोणत्या कारणाने चर्चेत असते. अलिकडच्या काही काळात रकुल तिच्या वैयक्तिक आयुष्यामुळे चर्चेत होती. आता मात्र आय लव यू या तिच्या आगामी चित्रपटातील तिच्या भूमिकेची चर्चा सुरु आहे.

मिळालेल्या माहीतीनुसार, चित्रपटाच्या एका सीनमध्ये रकुलने पाण्यात 2 मिनिट 30 सेकेंद पाण्यात राहण्याची आवश्यकता होती, त्यासाठी तिने कशी तयारी केली याबद्दल रकुलने आपले अनुभव शेअर केले आहेत.

रकुल म्हणते, चित्रपटाच्या कहानीच्या भावनांची खोली समजून घेण्यासाठी मला एका खास प्रकारच्या विचारपद्धतीची गरज होती . या भूमिकेला न्याय देण्यासाठी मी एक महिन्याची तयारी केली आहे.

पाण्याच्या आतील सीन शूट करण्यासाठी जहान एडेनवाला यांच्याकडून मी ट्रेनिंग घेतले आहे. अंडरवॉटर सीन शूट करण्याची सर्वात मोठे आव्हान हे होते की, मी दुपारी 2 ते 4 या वेळेत पाण्यात असायचे, महत्वाचे म्हणजे पाणी खूप थंड होते.

प्रत्येक शॉटनंतर माझ्या शरीरावर गरम पाणी टाकले जायचे. पाण्यातल्या क्लोरिनमुळे डोळ्यांची जळजळ होत असते. मात्र तरीही हे आव्हान मी आनंदाने स्विकारले आणि त्यामुळे मला स्वत:ला पुढे जाण्यास मदत झाली असे रकुलने आपल्या शूटिंगच्या अनुभवाबद्दल म्हटले आहे.