Rajinikanth-Amitabh: अंधा कानून, हम और गिरफ्तार या चित्रपटातनंतर आता तब्बल 32 वर्षानंतर रजनीकांत आणि अमिताभ बच्चन दिग्गज अभिनेते एकत्र काम करणार असल्याची चर्चा सुरु आहे. थलाइवर 170 या चित्रपटात हे दोघे एकत्र काम करताना दिसून येऊ शकतात.

मेगास्टार रजनीकांत यांनी अलीकडेच जेलर चित्रपटाचे शूटिंग पूर्ण केले आहे. आता लाल सलाम या चित्रपटाची शूटिंग करण्यात व्यस्त आहेत. लाल सलामनंतर रजनीकांत थलाइवर 170 या चित्रपटात दिसून येणार आहेत.

मिळालेल्या माहीतीनुसार, डायरेक्टर तीजे गणावेल्स या चित्रपटाचे दिग्दर्शन करणार आहेत. 170 थलाइवर ही रजनीकांत यांच्या करिअरमधील 170 वा चित्रपट असल्याने या चित्रपटाचे प्रतिकात्मक नाव असल्याचे म्हटले जात आहे. आता या रजनीकांत आणि अमिताभ बच्चन एकत्र काम करणार का हे पाहणे महत्वाचे ठरणार आहे.