अनेक बॉलीवूड (Bollywood) चित्रपट आणि टीव्ही (TV) मालिकांमध्ये त्यातच 'मन की आवाज प्रतिज्ञा' या हिंदी मालिकेमध्ये (Hindi series) ठाकुर सज्जन सिंह यांची भूमिका साकारणारे अभिनेते अनुपम श्याम यांचे 63 व्या वर्षी निधन झाले आहे. ते अनेक दिवसांपासून आजारी होते. अनुपम श्याम (Anupam Shyam) हे गेल्या अनेक वर्षापासून किडनीच्या (Kidney) विकाराच्या आजाराने त्रस्त होते.

काही काळापूर्वी अनुपम श्याम हे त्यांच्या खालावलेल्या प्रकृतीमुळे चर्चेत होते. त्यावेळी बॉलीवूडमधील अनेक कलाकारांनी त्यांना आर्थिक मदत केली. परंतु त्यांची किडनी निकामी झाली होती. तसेच ते डायलिसिसवर होते.

'प्रतिज्ञा' या टीव्ही मालिकेतून मिळाली प्रसिद्धी

अनुपम श्याम हे 'मन की आवाज प्रतिज्ञा' या हिंदी मालिकेतील ठाकूर सज्जन सिंहच्या भूमिकेमुळे लोकप्रिय झाले. त्यांच्या भूमिकेचा प्रेक्षकांवर एवढा परिणाम झाला की प्रेक्षक त्यांची कॉपी करू लागले. मुलांनीसुद्धा त्यांच्यासारख्या मिशा ठेवायला सुरुवात केली होती. अनेक मोठ्या चित्रपटात काम करणाऱ्या या अभिनेत्याचे आयुष्य खूप दु:खात गेले. त्यांनी साकारलेल्या भूमिका अनेकांच्या मनात ताज्या राहतील.

अनुपम श्याम यांनी दस्तक, हजार चौरासी की मा, दुश्मन, सत्या, दिल से, लगान, नायक, शक्ती, पाप, राज, यासारख्या अनेक चित्रपटांमध्ये त्यांनी काम केले आहे.