PM Modi: सध्या बॉलीवूडमध्ये अनेक चित्रपट रिलिज होणार आहेत. त्यामुळे प्रेक्षकांचे चांगलेच मनोरंजन होणार आहे. आता यामी गौतमची मुख्य भूमिका असलेला आर्टिकल ३७० हा चित्रपट लवकरच प्रेक्षकांच्या भेटीला येणार आहे.

नुकतेच पंतप्रधान नरेंद्र मोदींनी जम्मू-काश्मीरच्या दौऱ्यावर असताना यामी गौतमच्या या चित्रपटाचे कौतुक करत यातून सत्य परिस्थिती लवकरच बाहेर येईल, लोकांना योग्य माहिती मिळेल असे म्हटले होते. त्यानंतर बॉलीवूड अभिनेत्री यामी गौतमच्या आनंदाला पारावार उरला नाही, जेव्हा देशाचे पंतप्रधान नरेंद्र मोदी यांनी जम्मूतील भाषणात तिच्या 'आर्टिकल 370' चित्रपटाचा उल्लेख केला.

यामीने पीएम मोदींच्या भाषणाचा व्हिडिओ सोशल मीडियावर शेअर केला असून तिचा आनंदही व्यक्त केला आहे. यासोबतच तिने म्हटले आहे की, आमची टीम तुमच्या विश्वासाला पात्र ठरेल अशी अपेक्षा करतो असे म्हटले आहे.

'आर्टिकल 370' चित्रपट 23 फेब्रुवारीला थिएटरमध्ये रिलीज होत आहे. त्याचा ट्रेलर रिलीज झाला आहे, ज्यामध्ये 'कलम 370' हटवतानाची परिस्थिती दाखवण्यात आली आहे. आदित्य धर, अर्जुन धवन आणि आदित्य सुहास जांभळे हे लेखक आहेत. दिग्दर्शनही आदित्य सुहास यांनीच केले आहे. यामी व्यतिरिक्त या चित्रपटात प्रियामणी आणि किरण कर्माकर ही स्टारकास्ट आहे.

दरम्यान, यामीच्या पर्सनल लाईफबद्दल बोलायचे झाले तर यामी गौतम सध्या तिची पहिली प्रेग्नेंसी एन्जॉय करत आहे. अलीकडेच या चित्रपटाच्या प्रमोशनल इव्हेंटमध्ये ती तिचा बेबी बंप फ्लाँट करताना दिसली. यामी आणि आदित्य यांचा विवाह ४ जून २०२१ रोजी झाला.