Mahira Khan Dance on Govinda Song: पाकिस्तानी अभिनेत्री माहिरा खानचा एक वेडिंग डान्स व्हिडीओ सोशल मीडियावर व्हायरल होत आहे, ज्यामध्ये ती बॉलिवूड स्टार गोविंदाच्या 'हुस्न है सुहाना' या हिट गाण्यावर डान्स करताना दिसत आहे. नुकतेच माहिरा खानने एका लग्नाला हजेरी लावली होती.
वास्तविक, माहिरा पाकिस्तानी सेलिब्रिटी पीआर फ्रीहा अल्ताफ यांचा मुलगा तुरहान जेम्ससोबत इमान धरनीच्या मेहंदी सोहळ्यात पोहोचली होती. यादरम्यान ती सोनेरी रंगाच्या लेहेंगा चोलीमध्ये खूपच सुंदर दिसत होती.
व्हिडीओमध्ये, माहिरा खान गोविंदा आणि करिश्मा कपूरचा हिट चित्रपट 'कुली नंबर 1' मधील 'हुस्न है सुहाना' या सुपरहिट गाण्यावर ग्रुप परफॉर्मन्स देताना दिसत आहे. आता तिच्या या व्हिडीओला सोशल मीडियावर खूप पसंती मिळत आहे.
यापूर्वी, माहिरा सौदी अरेबियातील (Saudi Arabia) रेड सी इंटरनॅशनल फिल्म फेस्टिव्हलमध्ये हृतिक रोशनसोबत दिसली होती. माहिराचे केवळ पाकिस्तानातच नाही तर भारतातही प्रचंड चाहते आहेत. तिने 2017 मध्ये सुपरस्टार शाहरुख खानसोबत 'रईस' चित्रपटाद्वारे बॉलिवूडमध्ये पदार्पण केले होते.
दुसरीकडे, माहिरा खानने 2006 मध्ये व्हीजे म्हणून तिच्या करिअरला सुरुवात केली होती. यानंतर, 2011 मध्ये तिने प्रसिद्ध गायक आणि अभिनेता आतिफ अस्लमसोबत 'बोल' चित्रपटातून (Movie) अभिनेत्री म्हणून सुरुवात केली. मात्र, तिला खरी ओळख 'हमसफर' मालिकेतून मिळाली.
इतकेच नाही तर, 2020 मध्ये बीबीसीच्या 100 पॉवरफुल महिलांच्या यादीत माहिरा खानचे नाव देखील समाविष्ट केले आहे. गेल्या वर्षी माहिराच्या 'द लिजेंड ऑफ मौला जट' या चित्रपटाने पाकिस्तानी चित्रपटसृष्टीला आंतरराष्ट्रीय स्तरावरही ओळख मिळवून दिली होती. या चित्रपटात माहिरासोबत फवाद खान आणि हमजा अली अब्बासी महत्त्वाच्या भूमिकेत होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.