Sushmita Sen Reaction On Lalit Modi Affair: बॉलिवूड अभिनेत्री सुष्मिता सेन सध्या तिच्या लव्ह लाईफबद्दल प्रचंड चर्चेत आहे. सुष्मिता (Sushmita Sen) सेन प्रसिद्ध उद्योगपती ललित कुमार मोदीला (Lalit Modi) डेट करत आहे. ललित मोदी यांनी नुकताच त्यांच्या अधिकृत ट्विटर आणि इन्स्टाग्राम अकाऊंटवरून याचा खुलासा केला आहे. ललित मोदींच्या या घोषणेनंतर सोशल मीडियावर दोघांचा चांगलाच बोलबाला आहे.

लोक सुष्मिता आणि ललित मोदींना वेगवेगळ्या प्रकारचे मीम्स शेअर करून ट्रोल करत आहेत. आता या ट्रोलिंग दरम्यान सुष्मिता सेनने तिची पहिली प्रतिक्रिया दिली आहे. सुष्मिताने तिच्या इंस्टाग्रामवर एक पोस्ट शेअर केली आहे ज्यामध्ये ती तिच्या दोन्ही मुलींसोबत खूप आनंदी दिसत आहे. या पोस्टमध्ये सुष्मिताने हेही स्पष्ट केले आहे की, तिचे लग्न झालेले नाही आणि एंगेजमेन्ट पण झालेले नाही. अभिनेत्रीने असेही सांगितले की, तिने बरेच स्पष्टीकरण दिले आहे पण आता नाही!

मुलींसोबत फोटो शेअर करताना अभिनेत्रीने लिहिले की, 'मी आनंदी ठिकाणी आहे...ना लग्न ना एंगेजमेन्ट...ना प्रतिबद्धता. जे माझ्यावर बिनशर्त प्रेम करतात त्यांच्यासोबत मी आहे. बरेच स्पष्टीकरण दिले ... आता पुन्हा कामाला लागायचे आहे.'

दरम्यान कालपासून सोशल मीडियावर फक्त दोनच नावांची सर्वाधिक चर्चा आहे. यामध्ये पहिले नाव बॉलिवूड अभिनेत्री सुष्मिता सेनचे आणि दुसरे नाव आयपीएलचे चेअरमन ललित कुमार मोदी यांचे आहे. काल म्हणजेच 14 जुलै रोजी ललित कुमार मोदी यांनी घोषणा केली की ते आणि सुष्मिता सेन एकमेकांना डेट करत आहेत. ललितने सुष्मितासोबतचे संबध उघड करणारे दोन बॅक टू बॅक ट्विट केले आणि ललित मोदींच्या दोन्ही ट्विटने सोशल मीडियावर आगपाखड केली. सोशल मीडियावर चर्चेला उधाण आले आणि या दोघांच्या लग्नाच्या अफवा सर्वत्र पसरल्या. मात्र, नंतर ललित मोदींनी लग्न न केल्याचे स्पष्ट केले. आणि आज सुश्मितानेही लग्न न केल्याचे सांगितले.

1994 या वर्षीची मिस युनिव्हर्स असलेली सुश्मिता सेन बॉलीवूडमधील एक आदर्श सिंगल मदर ओळखली जाते. लग्न न करताच एका मुलीला दत्तक घेऊन सुश्मिता त्यावेळी एक कौतुकाचा विषय ठरली होती. रिनी सेन ही तिने दत्तक घेतलेली पहिली मुलगी. त्यानंतर काही वर्षांनी तिने आणखी एक मुलगी दत्तक घेतली. तिचं नाव अलिशा आहे. रिनी आणि अलिशा या दोघीही आयुष्यात आल्या आणि त्यांनी माझं आयुष्य आणखी सुंदर केलं, असं ती नेहमीच म्हणते.