Bigg Boss 17: बिग बॉसच्या घरात सतत वादविवाद होताना दिसत असतात. त्यामुळे कोणत्या ना कोणत्या कारणाने चर्चेत असतात. गेल्या काही दिवसांपासून स्टँड-अप कॉमेडियन मुनावर फारुकी भलत्याच चर्चेत आहे.

सुरुवातीला त्याचा आखेळ चांगला चालला होता, पण त्याची कथित गर्लफ्रेंड आयेशा खान शो मध्ये आली आणि मुनव्वरचा गेम बिघडल्याचे पाहायला मिळाले. गेल्या काही एपिसोड्सपासून मुनव्वर आणि आयेशाचे वाद पाहायला मिळत होते, पण जेव्हा सलमानने वीकेंड का वारमध्ये आयेशाचा क्लास सुरू केला त्यानंतर मुनव्वरचे वागणे बदलल्याचे पाहायला मिळाले. आता त्याने आयशासोबतचे नाते संपवले आहे. तो म्हणतो की त्याला कोणाशीही रिलेशनशिपमध्ये राहायचे नाही.

आजच्या ५ जानेवारीच्या एपिसोडमध्ये मुनवर फारुकी आणि आयशा खान यांच्यात जोरदार विवाद होणार असल्याचे समोर आलेल्या प्रोमोमध्ये पाहायला मिळत आहे, ज्यामध्ये मुनव्वर त्याच्या नात्याबद्दल बोलत आहे.

जेव्हा आयशा खानने मुनव्वरच्या वागणुकीत अचानक बदल झाल्याचा आरोप केला, तेव्हा त्याने उत्तर दिले की दोघांचे एकमेकांसोबत राहणे योग्य नाही. त्यामुळे दोघांनी वेगळे राहावे.

इतकंच नाही तर मुनव्वरने आयशा खानसोबत कोणतेही संबंध ठेवायचे नसल्याचेही सांगितले. तो म्हणतो, 'मला ना नाझिलासोबत राहायचे आहे आणि ना आयशासोबत रिलेशनशिपमध्ये राहायचे आहे. हे ऐकून आयशा भडकते आणि म्हणते तो शो जिंकला तरी तो कधीच नाते बनवू शकत नाही किंवा टिकवू शकत नाही.

दरम्यान, जेव्हा आयशा शोमध्ये आली तेव्हा मुनव्वर तिच्याबरोबर पॅचअप करून पुन्हा लग्न करण्याबाबतही तो बोलला. 15 दिवस तो फक्त आयशामध्येच हरवला होता, पण गेल्या वीकेंड का वारमध्ये सलमानने आयेशाचा क्लास घेतला आणि तिची चूक लक्षात आली. तेव्हापासून मुनव्वरच्या वागण्यात बदल झाला. आता तो आयशापासून लांब दिसतोय. अशा परिस्थितीत एका रात्रीत तिच्या भावना कशा बदलल्या, असा सवाल आयशा उपस्थित करत आहे.

दरम्यान, सर्मथला कानाखाली मारल्याप्रकरणी अभिषेकबाबत काय निर्णय घ्यायचा हे बिग बॉस अंकिताकडे सोपवले व अंकिताने अभिषेकला घरी पाठवण्याचा निर्णय घेतल्याचे म्हटले जात आहे.