Mithun Chakraborty Mother Passes Away : नुकतीच मनोरंजन विश्वातून एक धक्कादायक बातमी आली आहे. अभिनेता मिथुन चक्रवर्ती यांच्यावर दु:खाचा डोंगर कोसळला आहे. मिथुनची आई शांतीराणी चक्रवर्ती या जगात नाहीत. शुक्रवारी त्यांचे निधन झाले.
मिथुनचा धाकटा मुलगा नमाशी याने या वृत्ताला दुजोरा दिला आहे. तीन वर्षांपूर्वी अभिनेत्याचे वडील बन्सत कुमार चक्रवर्ती यांनी या जगाचा निरोप घेतला होता. आता अभिनेत्याच्या डोक्यावरून आईची सावलीही हरवली आहे.
कोविड दरम्यान, मिथुन चक्रवर्ती यांचे वडील बसंत कुमार चक्रवर्ती यांचे 21 एप्रिल 2020 रोजी वयाच्या 95 व्या वर्षी मूत्रपिंड निकामी झाल्यामुळे निधन झाले. यावेळी राष्ट्रीय पुरस्कार विजेते मिथुनने आपल्या आईलाही गमावले.
मिथुन चक्रवर्ती एकेकाळी कोलकात्यातील जोराबागन भागात आई-वडील आणि चार भावंडांसोबत राहत होते, पण जेव्हा मिथुन चक्रवर्ती यांनी अभिनयाच्या जगात नाव कमावले तेव्हा तो आपल्या आई-वडिलांना घेऊन गेला.
जेव्हा मिथुन चक्रवर्ती मुंबईत राहू लागला तेव्हा त्याने आपल्या आई - बाबांना सोबत ठेवले. तेव्हापासून त्यांची आई शांतिराणी चक्रवर्ती मुंबईतच राहत होती. मिथुन चक्रवर्ती यांच्या आईच्या निधनाबद्दल बंगाल भाजपच्या वतीने शोक व्यक्त करण्यात आला आहे.
बंगाल भाजपने जारी केलेल्या निवेदनात म्हटले आहे की, भाजपचे ज्येष्ठ नेते आणि अभिनेते मिथुन चक्रवर्ती यांच्या आईचे निधन झाले आहे, आम्ही दु:खी आहोत, हादरलो आहोत. या कठीण परिस्थितीत भाजप परिवारातील प्रत्येक सदस्य त्यांच्या पाठीशी उभा आहे.
टीएमसीचे प्रवक्ते कुणाल घोष यांनी मिथुन चक्रवर्तीच्या आईच्या निधनावर शोक व्यक्त केला आहे. त्यांच्यातील राजकीय मतभेद असूनही, कुणाल घोष यांनी राजकीय कटुता मागे ठेवून अभिनेत्याच्या कठीण काळात शोक व्यक्त केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.