The Kashmir Files Oscars Nomination: दिग्दर्शक विवेक अग्निहोत्री यांच्या 'द कश्मिर फाईल्स या चित्रपटाला ऑस्कर वारीसाठी प्रवेश मिळाला आहे. 2021 साली बॉक्स ऑफिसवर हिट ठरलेल्या या चित्रपटाने प्रचंड कौतुकही मिळवले आणि प्रचंड टीकेलाही या चित्रपटाला सामोरं जावं लागलं.

गोव्याच्या 'इफ्फी' या आंतरराष्ट्रीय चित्रपट महोत्सवातील ज्युरी नदाव लॅपीड यांनी हा वल्गर आणि प्रचारकी चित्रपट असल्याचं म्हटलं होतं, त्यानंतर वादाला तोंड फुटले होते.

आता 'द कश्मिर फाईल्स' या चित्रपटाला ऑस्करच्या रिमाईंडर लिस्टमध्ये स्थान मिळताच चित्रपटात भुमीका बजावणारे अभिनेते मिथुन चक्रवर्ती यांनी एक मोठे विधान केले आहे.

मिथुन दा म्हणाले एखाद्या चित्रपटाला थिएटर न मिळणं हे दुखदायक आहे. त्यांनी द कश्मिर फाईल्स चित्रपटावर टीका करणाऱ्यांना चोख प्रत्युत्तर दिले आहे.मिथुन दा म्हणाले चित्रपट शाॅर्ट लिस्ट करण्यात आला हे खुप छान वाटले, लोकांना चित्रपट आवडला आणि हा त्याचा प्रतिसाद आहे.

चित्रपटांना थिएटर न मिळणं हे दुर्दैवी आहे, ऑस्करसाठी आता भारतीय चित्रपट आले आहेत त्यांना माझ्या शुभेच्छा, कश्मिर फाईल्स ऑस्करला जाणं हे चित्रपटावर टीका करणाऱ्यांना चोख प्रत्युत्तर आहे असंही मिथुन दा म्हणाले.