lock upp: बॉलिवूड अभिनेत्री कंगना राणौतचा नवीन शो 'लॉकअप' सध्या चर्चेत आहे. या शोच्या भन्नाट थीममुळे तो दर्शकांच्या पसंतीला उतरत आहे. तर नेहमी वादात असणाऱ्या अनेक सेलिब्रिटी या शोमध्ये दिसणार आहेत. विशेष म्हणजे सेलिब्रिटी हे कैदी असतील तर अभिनेता करण कुंद्रा हा जेलर आहे. त्याचा एक व्हिडिओ चांगलाच व्हायरल होत असून त्यात तो जास्तच कडक असल्याचे दिसत आहे. आता या शोमध्ये एक नवा चेहरा दिसणार असून त्याला वाइल्ड कार्ड एंट्री मिळणार आहे. त्यामुळे lock upp मधील इतर कैदी 'तो' कोण अशा विचारात वावरत आहेत. तर हा अभिनेता दुसरा तिसरा कोणी नसून आपल्या फिटनेसवरून नेहमीच चर्चेत राहणारा मिलिंद सोमण आहे. मिलिंद लवकरच कंगनाच्या तुरुंगात कैदी म्हणून दिसणार आहे. मात्र या वाईल्ड कार्ड एंट्री बाबत अद्याप शोच्या निर्मात्यांकडून कोणतेही अधिकृत वक्तव्य आलेले नाही. (Milind Soman's wild card entry in Kangana lock upp)

lock upp हा शो बॉलिवूडची क्वीन कंगना राणौत होस्ट करणार असून 16 वादग्रस्त सेलिब्रिटी (Celebrity) यात भाग घेणार आहेत. तर अनेक महिन्यांसाठी तुरुंगवास (custody) भोगाणार आहेत. आता कैद्यांच्या यादीत मिलिंद याचे नाव ही येणार असून त्याची वाईल्ड कार्ड एंट्री होणार आहे.

याबाबत विरल भयानी यांनी स्पष्टता देताना मिलिंदचा एक फोटो इंस्टाग्राम (Instagram) हँडलवर पोस्ट केला आहे. फोटोच्या कॅप्शनमध्ये त्याने लिहिले की, 'बदमाश जेल लवकरच "वाइल्ड" (Wild) होणार, आम्ही शोमध्ये वाईल्ड कार्ड एंट्रीच्या माध्यमातून नवीन कैद्याला भेटू. त्यामुळेच ही एंट्री मिलिंद सोमणची (Milind Soman) असल्याचं बोललं जात आहे.