मिलिंद सोमण (Milind Soman) आणि अंकिता कोंवर (Ankita Konwar) हे शहरातील सर्वात फीट जोडप्यांपैकी एक आहेत. एकत्र मॅरेथॉन (marathons) धावण्यापासून ते जिममध्ये जाण्यापर्यंत, हे दोघे गेल्या काही काळापासून फिल्मी (Bollywood) जगात चर्चेत असतात.

सर्वसमावेशक जीवनाचा आनंद घेण्यासाठी ही चॅम्पियन जोडी त्यांच्या पुढच्या पराक्रमासाठी प्रशिक्षण घेण्यासाठी नेहमीच सुंदर लोकेशनच्या शोधात असते. ही फिटनेस जोडी नुकतीच गोव्यातील एका सुंदर समुद्रकिनाऱ्यावर (Goa Beach) धावताना दिसली. आणि आम्ही शांत जागेवरून नजर हटवू शकत नाही. अंकिताने इंस्टाग्रामवर फोटो पोस्ट केला.

दक्षिण गोव्यामध्ये स्थित, मोबोर समुद्रकिनारा (Mobor Beach) मूळ पांढरी वाळू, खजुरीची झाडे आणि शांतता यासाठी प्रसिद्धआहे. मिलिंद आणि अंकिता सध्या राजस्थानमधील जैसलमेर येथे त्यांच्या आगामी 110 किमी मॅरेथॉन स्पर्धेच्या तयारीत व्यस्त आहे. आणि त्यात स्पर्धेच्या प्रॅक्टीससाठा ते गोवा बीचवर धावतांना दिसले. या बीचचा विस्तार अरबी समुद्रासह साल नदीच्या संगमाच्या दक्षिणेपर्यंत झाला आहे.

डोळ्यांना सुखावणारा, हा समुद्रकिनारा गोव्यातील सर्वात स्वच्छ आहे कारण तो इतर पर्यटकांच्या हॉटस्पॉट्सइतका लोकप्रिय नाही. नवीन वर्ष नव्याने सुरू करण्यासाठी तुम्ही थोडी शांतता आणि निवांत वेळेच्या शोधत असाल तर तुच्यासाठी हा समुद्रकिनारा याग्य निवड असेल.

समुद्रकिनार्‍यावर मनोरंजनाची कमतरता नाही कारण तुम्हाला समुद्रकिनाऱ्यावरील शॅक सापडतील, पोहण्यासाठी स्वच्छ आणि सुरक्षित लाटा. समुद्रावरील जलक्रीडा आणि नदीवरील जलपर्यटन हे लोकप्रिय पर्यटनाच्या उपक्रमापैकी एक आहे.

तुम्ही साहसी खेळांच्या मूडमध्ये नसल्यास , पक्षी-निरीक्षण आणि डॉल्फिन-निरीक्षण सुद्धा या बिचवर उपलब्ध आहेत जे तुम्हाला इथल्या समृद्ध वनस्पती आणि प्राणी जीवनाची ओळख करून देतील.

मोबोरला भेट देण्याचा सर्वोत्तम काळ म्हणजे नोव्हेंबर ते फेब्रुवारी दरम्यानचा हिवाळा ऋतूच. थंडीच्या महिन्यांत, डॉल्फिन समुद्रात दिसू शकतात. या हंगामात स्थलांतरित पक्ष्यांची उपस्थितीही मोठ्या प्रमाणात वाढते.