रणबीर कपूर (Ranbir Kapoor) आणि आलिया भट्ट (Alia Bhat) यांच्या लग्नाचे फोटो गेल्या दोन दिवसांपासून सगळीकडे व्हायरल होत आहे. याच फोटोंच्या गर्दीमध्ये एक सुंदर आणि भावनिक फोटो समोर आला आहे. या फोटोमध्ये रणबीर कपूर आलिया किंवा नीतू कपूरसोबत (Neetu Kapoor) नाही तर सासरे महेश भट्टसोबत (Mahesh Bhat) दिसत आहे. हे फोटो आलियाची बहीण आणि अभिनेत्री पूजा भट्टने तिच्या इंस्टाग्रामवर शेअर केले आहेत. (Alia Ranbir Wedding )

रणबीर आणि महेश भट्टचे दोन फोटो व्हायरल होत आहेत. दोन्ही फोटोमध्ये महेशभट्ट आपल्या जावयाला मिठी मारताना दिसत आहेत. फरक एवढाच की एका फोटोत ते थोडे भावूक होताना दिसत आहेत. दुसऱ्या फोटोत त्याच्या चेहऱ्यावर अगदिच शांत भाव दिसत आहे.

फोटोंमध्ये महेश भट्ट रणबीरला घट्ट मिठी मारतांना दिसत आहेत, यादरम्यान दिग्दर्शकाच्या चेहऱ्यावर दुःख आहे, तर रणबीर त्यांना हसतमुखाने हाताळत आहे. सासरे आणि जावयाचा हा सुंदर फोटो सोशल मीडियावर चांगलाच व्हायरल होत आहे आणि लोक त्याला खूप पसंत करत आहेत.

आलिया भट्टची आई सोनी राजदाननेही आपल्या मुलीसाठी इंस्टाग्रामवर एक भावनिक पोस्ट लिहिली आहे. या पोस्टमध्ये सोनी आपल्या मुलीला आशीर्वाद देत आहे, तर रणबीर कपूरचे मुलाच्या रुपात स्वागत करत आहे. तिच्या पोस्टमध्ये, सोनी राझदानने आलिय-रणभीरच्या लग्नाचा फोटो शेअर केला आहे ज्याला आलियाच्या आईने भावूक कॅप्शन दिले आहे. यासोबत आपल्या मुलीला आणि जावयाला भावी आयुष्यासाठी शुभेच्छा दिल्या आहेत.