साऊथचा सुपरस्टार धनुषने पत्नी ऐश्वर्या पासून वेगळे होण्याचा निर्णय घेतला आहे. स्वतः धनुषने सोशल मीडियावर याबाबत माहिती दिली आहे, ज्यानंतर चाहते आश्चर्यचकित झाले आहेत आणि नाराजही आहेत. 2004 मध्ये धनुष आणि ऐश्वर्याने कुटुंबीयांच्या उपस्थितीत थाटामाटात लग्न केले. त्यावेळी ऐश्वर्या 23 वर्षांची आणि धनुष 21 वर्षांचा होता. पण तुम्हाला माहिती आहे का की, मीडियामध्ये पसरलेल्या अफवांमुळे दोघांनी घाईघाईत हे लग्न केले होते. हे दोघे पहिल्यांदा कसे भेटले ते जाणून घेऊया. (Dhanush Latest News In Marathi)

धनुष (Dhanush) आणि ऐश्वर्या (Aishwarya) यांची पहिली भेट 'काढाल कोंडे' चित्रपटादरम्यान झाली होती. शोच्या पहिल्या दिवशी धनुष त्याच्या कुटुंबासह थिएटरमध्ये पोहोचला होता आणि तिथे आधीच रजनीकांतच्या दोन मुली ऐश्वर्या आणि सौंदर्या होत्या. चित्रपट संपल्यानंतर थिएटर मालकाने दोन्ही मुलींची धनुषशी ओळख करून दिली. यादरम्यान त्यांच्यामध्ये हॅलोशिवाय काहीही झाले नाही. दुसऱ्या दिवशी सकाळी ऐश्वर्याने धनुषच्या घरी पुष्पगुच्छ पाठवला आणि त्याला संपर्कात राहण्यास सांगितले. यानंतर दोघांच्या भेटीची प्रक्रिया सुरू झाली.

माध्यमांमध्ये प्रसिद्ध झालेल्या अफवांमुळे हे लग्न घाईघाईत पार पडले

धनुष आणि ऐश्वर्या 2 वर्षांपासून एकमेकांना डेट करत आहेत. यादरम्यान या दोघांबाबत बातम्या येऊ लागल्या. रजनीकांतच्या कुटुंबीयांना हे सगळं आपल्या मुलींबद्दल लिहायला नको होतं, त्यामुळे दोघांचं लग्न ठरलं पाहिजे असा विचार दोन्ही कुटुंबांनी केला. दोन वर्षे डेटिंग केल्यानंतर दोघांनी लग्न केले. धनुष आणि ऐश्वर्याचे लग्न खूप भव्यदिव्य होते. लग्नाच्या 18 वर्षानंतर दोघांनी वेगळे होण्याचा निर्णय घेतला आहे. धनुष आणि ऐश्वर्याला दोन मुले आहेत. एका इव्हेंटमध्ये ऐश्वर्याने सांगितले होते की, माझे आई-वडील खूप परंपरावादी आहेत, त्यामुळे मी आणि धनुषने घाईघाईत लग्न केले. पण मी माझ्या लग्नात भाग्यवान आणि आनंदी आहे.

आपल्या ट्विटरवर पोस्ट शेअर करत धनुषने लिहिले की, “18 वर्षे एकत्र राहिलो ज्यामध्ये आम्ही मित्र, कपल, पालक म्हणून एकत्र राहिलो. या प्रवासात आपण एकत्र खूप काही पाहिलं. आज कपल म्हणून आम्ही एकमेकांपासून वेगळे होत आहोत. तुम्ही आमच्या निर्णयाचा आदर करा आणि आम्हाला गोपनीयता द्या."