बॉलीवुड अभिनेता कार्तिक आर्यनच्या बहुप्रतिक्षित चित्रपटांपैकी एक असलेल्या 'भूल भुलैया 2' (Bhool Bhulaiyaa 2) ची सिनेप्रेमी आतुरतेने वाट पाहत होते. प्रेक्षकांच्या प्रचंड मागणीनंतर 'भूल भुलैया 2' (Bhool Bhulaiyaa 2 Teaser) चित्रपटाचा टीझर काही दिवसांपूर्वी रिलीज झाला आहे. अलीकडेच कियारा अडवाणीने (Kiara Advani) या चित्रपटामधील आपली एक झलक दाखवणार व्हिडिओ शेअर केला आहे. हा चित्रपट पुढील महिन्यात म्हणजेच 20 मे 2022 रोजी प्रदर्शित होणार आहे.

बॉलीवुडमधील प्रसिद्ध अभिनेत्री कियाराने (Kiara Advani) आपल्या इन्स्टाग्राम अकाऊंटवर 'भूल भुलैया 2' या चित्रपटामधील एक व्हिडिओ शेअर केला आहे. या व्हिडिओमध्ये तिने आपली झलक प्रेक्षकांच्या समोर आणली आहे. ही पोस्ट शेअर करत तिने लिहिले की, या चित्रपटामध्ये ती रीतची भूमिका साकारणार आहे. या पोस्टवरून असे दिसते की, चित्रपटात कियाराच्या आत भूत किंवा आत्म्याची छाया असेल. काही दिवसांपूर्वीच या चित्रपटाचा टीझर प्रदर्शित झाला होता, ज्याला चांगला प्रतिसाद मिळत आहे. या टीझरमध्ये कार्तिकसोबत राजपाल यादवही दिसत आहे.

* यात काय विशेष असेल

चित्रपटाबद्दल बोलताना अनीसने पिंकविलाला सांगितले की हा चित्रपट त्याच्यासाठी खास आहे कारण हा त्यांचा पहिला हॉरर कॉमेडी चित्रपट आहे. हा विषय वेगळ्या पद्धतीने मांडणार असल्याचेही त्यांनी सांगितले. पहिला 'भुल भुलैया' हा कॉमेडी असलेला सायकोलॉजिकल थ्रिलर चित्रपट होता. ही एक हॉरर कॉमेडी आहे. लोकांना पहिल्या भागाची आठवण करून द्यावी, पण त्याचवेळी वेगळा अनुभव द्यावा, हे आव्हान आहे. चित्रपटात कार्तिक, कियाराशिवाय राजपाल यादव आणि तब्बू मुख्य भूमिकेत दिसणार आहेत.