बॉलीवूडचे कलाकार हे नेहमीच चर्चेत असतात. कधी ते त्यांच्या चित्रपटांमुळे, तर कधी त्यांच्या वक्तव्यांमुळे हे कलाकार चर्चेत असतात. आता बॉलीवूडची प्रसिद्ध अभिनेत्री कियारा अडवाणी तिने 'डॉन ३' साठी आकारलेल्या फीमुळे मोठ्या चर्चेत आली आहे.
फरहान अख्तरने 'डॉन 3'ची घोषणा केल्यापासून हा चित्रपट चर्चेत आहे. मात्र, शाहरुख खानच्या जागी रणवीर सिंग आणि प्रियांका चोप्राच्या जागी कियारा अडवाणीला घेतल्याने काही चाहते नाखूष आहेत तर काही खूप उत्साहित आहेत. या सगळ्या कियाराने या चित्रपटासाठी किती फी घेतली आहे याबद्दल चर्चा होताना दिसत आहे.
बॉलिवूड हंगामा' च्या रिपोर्टनुसार, कियारा अडवाणीने या सिनेमासाठी भरघोस फी आकारत असल्याचे पाहायला मिळत आहे. 'डॉन 3'साठी कियारा अडवाणीने 13 कोटी रुपये घेतले असल्याचा दावा करण्यात आला आहे. आतापर्यंत तिने आकारलेली सर्वात मोठी फी आहे. इतकेच नाही तर 'वॉर 2'साठी मिळणाऱ्या फीपेक्षा ही रक्कम 50 टक्के जास्त असल्याचा दावाही करण्यात आला आहे.
दरम्यान, डॉनच्या भूमिकेत पुन्हा एकदा शाहरुखला पाहण्यासाठी उत्सुक असणाऱे चाहते मात्र रणवीर किंग खानच्या जागी दिसणार असल्याने नाराज झाल्याचे चित्र पाहायला मिळत आहे. आता कियारा आणि रणवीर डॉन ३ मधून प्रेक्षकांना भूरळ घालणार का आणि हा चित्रपट बॉक्स ऑफीसवर हिट होणार का हे पाहणे महत्वाचे ठरणार आहे. 'डॉन 3' 2025 मध्ये रिलीज होणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.