Kareena Kapoor: बॉलीवूडची बेबो करिना कपूर सध्या चांगलीच चर्चेत आहे. नुकताच तिने जाने जान या चित्रपटातून पदार्पण केले आहे. महत्वाचे म्हणजे बॉलीवूडमध्ये करिना मोठ्या काळानंतर परतली असून ओटीटीवर तिचा हा पहिलाच चित्रपट होता.

आता करिना कपूर पून्हा एकदा मोठ्या पडद्यावर येण्यास सज्ज झाली आहे. तिने सोशल मिडियावर पोस्ट केल्याने बेबो आता रोहित शेट्टीच्या 'सिंघम ३' मध्ये दिसणार आहे. सध्या ती शूटिंगसाठी हैद्राबादमध्ये आहे. इंस्टाग्रामवर तिने सेटवरील फोटो शेअर करत रोहित शेट्टीला टॅग केले आहे.

महत्वाचे म्हणजे, तिने कॅप्शनमध्ये लिहले आहे की, रोहित शेट्टी माझ्या अनेक आवडत्या दिग्दर्शकापैकी एक आहे आणि हा माझा त्याच्याबरोबरचा चौथा चित्रपट आहे. करीना कपूरच्या या पोस्टवर रणवीर सिंग कमेंट सेक्शनमध्ये म्हणाला, 'तिच्यासोबतचा हा माझासुद्धा चौथा चित्रपट आहे आणि तुझ्यासोबतचा पहिला चित्रपट आहे.

रणवीरने यापूर्वी रोहित शेट्टीसोबत 'सिम्बा' (2018), 'सूर्यवंशी' (2021) आणि 'सर्कस' (2022) या तीन चित्रपटांमध्ये काम केले आहे. एकूणच, करिनाने आता रोहित शेट्टीसोबत 'सिंघम 3' या त्याच्या पुढच्या चित्रपटात काम करण्याचे निश्चित केले आहे.

मात्र, त्यांच्या भूमिकेबाबत कोणतीही माहिती उपलब्ध नाही. आता सिंघम ३ मध्ये करिना कोणत्या भूमिकेत दिसणार हे पाहणे महत्वाचे ठरणार आहे.