अमेरिकेचे माजी राष्ट्रपती डोनाल्ट ट्रंप यांची ट्विटरवर वापरसी झाली आहे. ट्विटरचा नवा मालक एलन मस्कने रविवारी सकाळी ट्वीट करत याबाबत माहिती दिली आहे. ट्रंप यांचे ट्विटर अकाऊंट रिस्टोर केले जात आहे. दरम्यान, अनेकांनी एलन मस्कला बॉलिवूड अभिनेत्री कंगना रणौतच्या ट्विटर अकाऊंटविषयी विचारण्यास सुरुवात केली आहे. 'कंगना रणौतने तुमचे काय बिघडले आहे?' असा प्रश्न अनेकांनी एलन मस्क यांना विचारला आहे.

डोनाल्ड ट्रंप (Donald Trump) यांचे 2021 मध्ये ट्विटर (Twitter) अकाऊंट बॅन करण्यात आले होते. त्यापाठोपाठ कंगना रणौतचे देखील अकाऊंट बॅन करण्यात आले. गेल्या वर्षी कंगनाने 'द कपिल शर्मा शो' (The Kapil Sharma Show) मध्ये हजेरी लावली. या शोमध्ये तिने, 'ते आता वॅली झाले आहे. मी कोरोना काळात सहा महिने ट्विटर जॉइन केले होते आणि नंतर मला बॅन करण्यात आले' असे म्हटले होते.

ट्रंप यांना ट्विटरवर पुन्हा आलेले पाहून भारतात (India) कंगना रणौतला ट्रोल केले जात आहे. अनेकजण कंगनाने तुमचे काय बिघाडले आहे असा प्रश्न एलन मस्कला विचारला जात आहे. एका यूजरने, 'क्वीन पूर्ण दिवस ट्विटरवर ट्रोल होत आहे' असे म्हटले आहे. दुसऱ्या एका यूजरने, 'ट्रंप यांना ट्विटरवर पाहून कंगना विचार करत असेल की माझा नंबर कधी येणार' असे म्हटले आहे.

2021 मध्ये पश्चिम बंगालमध्ये झालेल्या हिंसेवर कंगना रणौतने सोशल मीडिया (Social Media) प्लॅटफॉर्मच्या माध्यमातून बिनधास्तपणे त्याचे मत मांडले होते. त्या प्रकरणाला कंगनाने टीएमसीला जबाबदार ठरवले होते. त्यानंतर कंगनाचे अकाऊंट सस्पेंड करण्यात आले होते.