Ira Khan: गेल्या काही दिवसांपासून आमिर खानची लेक आइरा खान चर्चेत आहे. ३ जानेवारीला आइरा खान आणि नुपुर शिखरे यांनी रजिस्टर लग्न केले आहे. आता १० जानेवारीला त्यांचा शाही लग्नसमारंभ पार पडणार आहे. त्यांच्या लग्नाची धामधुम सुरु असून त्यांच्या कार्यक्रमातील फोटो आणि व्हिडिओ सोशल मिडियावर शेअर केले जात आहेत.

आता आइरा खानच्या एका कार्यक्रमात तिची सावत्र आई किरण रावने तिच्यासाठी खास गाणे म्हटले आहे. या गाण्याची सोशल मिडियावर चांगलीच चर्चा रंगली आहे.

इंस्टाग्रामवर एक व्हिडिओ समोर आला आहे, ज्यामध्ये नुपूर शिखरे आणि इरा खानचे प्री-वेडिंग सेलिब्रेशन पाहिले जाऊ शकते. व्हिडिओमध्ये आमिर खानची माजी पत्नी किरण राव एक सुंदर गाणे गाताना दिसत आहे, तर त्याचा मुलगा आझाद कोणतेतरी वाद्य वाजवताना दिसत आहे. व्हिडिओमध्ये, किरण काळ्या रंगाची साडी परिधान केलेली सुंदर दिसत होती असे अनेक नेटकऱ्यांनी म्हटले आहे.

महत्वाचे म्हणजे किरण रावने गायलेल्या गाण्यावर आइरा आणि नुपूर खानने डान्सदेखील केला आहे. ते दोघे एकमेकांच्या डोळ्यात प्रेमाने पाहत असल्याचे या व्हिडिओमध्ये पाहायला मिळाले आहे. आता उद्या १० जानेवारीला आइरा नुपूरच्या शाही लग्नाकडे चाहत्यांचे लक्ष लागले आहे.