2022 कान फिल्म फेस्टिव्हल सुरू झाला आहे. या वर्षी पहिल्यांदाच भारत 'कंट्री ऑफ ऑनर' (Country Of Honour) म्हणून चित्रपट महोत्सवात सहभागी होणार आहे. कान 2022 मध्ये माहिती आणि प्रसारण मंत्री अनुराग ठाकूर (Anurag Thakur) यांच्या नेतृत्वाखालील भारतीय शिष्टमंडळाच्या उपस्थितीपूर्वी पंतप्रधान नरेंद्र मोदी (PM Narendra Modi) यांनी हा संदेश जारी केला आहे. (Cannes Film Festival 2022 latest News)

भारताला (India) अधिकृतरीत्या सन्मानाचा देश म्हणून मान्यता मिळाल्याबद्दल, पंतप्रधान मोदी म्हणाले, "मार्च डु फिल्म - फेस्टिव्हल डी कानमध्ये भारताच्या सहभागाबद्दल आणि कान्स फिल्म फेस्टिव्हलच्या 75 व्या वर्धापन दिनानिमित्त भारताच्या सहभागाबद्दल मला आनंद झाला आहे. तसेच फ्रान्सशी 75 वर्षांचे राजनैतिक संबंध आहेत."

पंतप्रधान म्हणाले, भारतातील सर्वात प्रसिद्ध चित्रपट निर्मात्यांपैकी एक 'सत्यजित रे' यांच्या चित्रपटाची कान क्लासिक्स विभागात प्रदर्शनासाठी निवड करण्यात आली आहे हे जाणून आनंद झाला. पंतप्रधान पुढे सांगतात, "इतर देशांच्या तुलनेत भारतात सर्वाधिक चित्रपट बनले आहेत. इथे वेगवेगळ्या भाषांमध्ये चित्रपट (Movie) बनवले जातात. आपल्या चित्रपट क्षेत्रातील विविधता उल्लेखनीय आहे."

पीएम मोदी (PM Modi) म्हणतात, “चित्रपट आणि समाज हे एकमेकांचे आरसे आहेत. चित्रपट मानवी भावना आणि अभिव्यक्ती कलात्मक रीतीने चित्रित करतो जे जगाला मनोरंजनाच्या समान धाग्याने जोडते. भारतातील अनेक स्टार्टअप्स सिने जगताला आपली ताकद दाखवतील. इंडिया पॅव्हेलियन भारतीय सिनेमाचे पैलू प्रदर्शित करेल आणि आंतरराष्ट्रीय भागीदारी आणि शिक्षणाला प्रोत्साहन देईल.