Nora Fatehi Dainik Gomantak
मनोरंजन

Nora Fatehi : "मला पुढची कॅटरीना कैफ व्हायचं आहे !" नोरा फतेही असं का म्हणायची?

अभिनेत्री नोरा फतेहीला पुढची कॅटरीना कैफ व्हायचं होतं पण तिचं असं स्वप्न का होतं?

Rahul sadolikar

दिलबर गर्ल नोरा फतेही ही परदेशात वाढली त्यामुळे तिची हिंदी कमजोर होती. जेव्हा ती भारतात आली त्यानंतर तिने बंद दाराआड हिंदीवर काम करायला सुरूवात केली होती. तिने तिच्या उच्चारण आणि देहबोलीवर, खूप काम केले होते नुकत्याच दिलेल्या एका मुलाखतीत नोराने ही माहिती दिली. यावेळी तिने पार्टी करणे टाळल्याचेही सांगितले.

नोरा फतेही म्हणाली की मुंबईतील तिच्या सुरुवातीच्या दिवसांमध्ये ती अनेकदा स्वतःला तिच्या खोलीत बंद करून तिच्या उच्चारणावर काम करत असे. ती पुढे म्हणाली की लोक तिला 'पुढील कतरिना कैफ व्हायचे आहे का ' असे विचारायचे .नोरा नुकतीच एका पुरस्कार कार्यक्रमादरम्यान स्टेजवर दिसली आणि तिच्या अभिनयाचे सर्वत्र कौतुक झाले.

भावाच्या लग्नाला गेले नाही

बीबीसी एशियनशी बोलताना नोरा म्हणाली, “मला ज्या काही संधी मिळाल्या आहेत त्या अगदी शेवटच्या क्षणी होत्या आणि कृतज्ञतापूर्वक मी तयार होते. मला आठवते की मी माझ्या स्वत:ला खोलीत बंद करुन घ्यायचे, मी माझ्या हिंदीवर काम करत होते. मी ठरवलं होतं इतर मुलींप्रमाणे पार्टी करणार नाही किंवा बॉयफ्रेंड बनवणार नाही. 

भारतात आल्यानंतर दुसऱ्या महिन्यात माझ्या लक्षात आले की मला तिचा कॅनेडियन उच्चार कमी करणे, माझ्या बॉडिलँग्वेजवर काम करणे आणि माझ्या हिंदीवर काम करणे आवश्यक आहे. माझ्या भावाचे लग्न, त्याचा वाढदिवस, सर्व काही मी चुकवले. 'तुला पुढच्या कतरिना कैफसारखं व्हायचं आहे का?' असं मी स्वत:ला सांगायचे.

मी हिंदीवर काम करेन

नोरा म्हणते “मला माहित आहे की माझ्या मार्गावर आलेल्या कोणत्याही संधीसाठी मला तयार राहावे लागेल. मला मिळालेले बहुतेक प्रकल्प अगदी शेवटच्या क्षणी मिळाले होते. 

मी माझ्या हिंदीवर काम करेन आणि अशा प्रकारे मी मला मिळणाऱ्या कोणत्याही संधीसाठी पूर्णपणे तयार आहे. मला माहित होते की मला फक्त एकच संधी मिळू शकते आणि जर ती कामी आली नाही तर मी खेळातून बाहेर असेन.”

मी स्वत:ला सामावून घेतलं आहे

तिला तिची ओळख सोडून बॉलीवूडसाठी भारतीय चित्रपटांमध्ये स्वत:ला सामावून घेणे विचित्र वाटत आहे का असे विचारले असता , नोरा म्हणाली की ती ज्या ठिकाणी काम करत आहे त्या ठिकाणच्या "संस्कृती आणि लोकांशी आत्मसात झाल्यास" तिला काहीही चुकीचे वाटत नाही. 

नोराने सांगितले की अगदी लहानपणी, जेव्हा ती तिच्या उन्हाळ्याच्या सुट्ट्यांसाठी मोरोक्कोला गेली तेव्हा तिने तिचा “टोरंटो-नेस” कमी केला.

सुरूवात डान्सपासून

नोराने हिंदी चित्रपटांमध्ये काम करण्यास सुरुवात केल्यापासूनच लोकप्रिय चित्रपटांमध्ये खास डान्स गाणी सादर केली आहेत. तिने मनहरी ( बाहुबली द कन्क्लुजन), इत्तेज रेच्चीपोधम आणि (पुरी जगन्नाथचा चित्रपट टेम्पर) सारख्या गाण्यांमध्ये काम केले . 

सुष्मिता सेनच्या प्रसिद्ध दिलबर गाण्याच्या रिमेकमध्येही ती झळकली होती. हे गाणं तर प्रचंडच लोकप्रिय झालं होतं या गाण्यानंतर नोरा दिलबर गर्ल म्हणून ओळखली जाऊ लागली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shubman Gill Century: शुभमन गिलचा धमाका! ठोकलं बॅक टू बॅक शतक, 'ही' अद्भुत कामगिरी करणारा ठरला पहिला भारतीय

Camel Tear: उंटाचे अश्रू सापाच्या विषावर गुणकारी, एक थेंब 26 सापांच्या विषावर ठरेल जालीम औषध; अभ्यासातून स्पष्ट

CO2 To Alcohol: विज्ञानाचा चमत्कार! कार्बनचे अल्कोहोलमध्ये रुपांतर करण्यात कोरियाच्या वैज्ञानिकांना यश

Anaya Bangar: 'पुरुषाच्या देहात एक कोमल स्त्री जगत होती'; अनाया बांगरने जागवल्या लिंगबदल काळातील नाजूक आठवणी

Goa Crime: पार्किंगचा वाद विकोपाला गेला, पर्ये सत्तरीत दोन तरुणांमध्ये तुंबळ हाणामारी; एकाला अटक

SCROLL FOR NEXT